Imana ikamya inyanja kugira ngo umukiranutsi wayo atambuke-Ukwizagira J.D

“Ku bwo kunyagwa k’umunyamibabaro, ku bwo gusuhuza umutima
k’umukene, nonaha ndahaguruka”. Niko uwiteka avuga, ndashyira
mu mahoro uwo bacurira ingoni”. Zaburi 12:6

Learn how to Thrive

Mu kiganiro Ikinyamakuru Umubavu.com twagiranye n’umukozi w’Imana Ukwizagira Jean Damascene yatubwiye uburyo Imana yamunyujije muri byinshi byari bikomeye ariko ubu akaba ashima Imana aho imugejeje.

Nkuko yabidutangarije igihe twamusuraga aho asengera.yadutangarijeko yabonye imbaraga zImana nyuma yuko yahuye nibibazo bitandukanye byaba ibyimibereho cyangwa ibindi bitandukanye.

Ese Ukwizagira Jean Damascene ni muntu ki ?

Ukwizagira Jean Damascene ni umukiritso wo mu Itorero rya ADEPR Paroisse ya Gatsata, umudugudu wa Galilaya, akaba ari umusore witegura gushinga urugo dore ko tariki ya 21/7/2018 aribwo azaba asezereye ubusore. Avuka mu ntara y’Amajyaruguru hafi y’umupaka wa Uganda. Ubu akaba aba I Kigali akora umurimo w’Imana w’uburirimbyi muri iryo torero twavuze haruguru muri Chorale Salem akaba ari n’umuvugabutumwa w’ubushake.

Yakomeje atubwira ubuzima yanyuzemo aho Imana yamukuye ndetse n’ibyo yamukoreye bikomeye.

Yagize ati “ nitwa Ukwizagira Jean Damascene, nakunze kuvugwa cyane ku izina ryitwa Dima muri Uganda no mu Rwanda hamwe na hamwe, navukiye mu cyahoze ari muri Kisaro ubu ni mu Karere ka Gicumbi, Umurenge wa Nyankenke, Akagari ka Kigogo, Umudugudu wa Kiyovu, mvuka mu muryango w’abana icyenda, ndi umwana wa gatandatu (6), navukiye mu muryango w’abantu bitirirwa Abakristo ariko bataribo.
Nakunze kutaba mu rugo cyane kubera impamvu z’amateka, nuko
nkomeza kwiga nigira muri ubwo buzima nkabuvanga no kubaha Imana, ariko
rya jwi nkomeza kujya ndyumva rivuga ngo “nakumenye kera nkushyiriraho kuba
umuhanzuzi uhanurira amahanga, nkibaza iryo jwi nyiraryo ariko simumenye,
kandi singire n’ubushake bwo kuba namenya iby’iryo jwi.

Nuko ngeze mu mwaka wa gatatu w’amashuri abanza noneho ubuzima busa nubwanze neza neza, nibwo nigiriye inama yo kujya kuba kwa mushiki wanjye I Gatuna ariko kuko Bibiliya ivuga ngo mbese ninde uzabagirira nabi nimugira ishyaka ry’ibyiza ?” nkomeza kubaha Imana ariko nkahura n’ibintu byinshi bihiga ubugingo, ngarutse gato I Gatuna nagezeyo nkajya niga narangiza nkajya gukora n’akazi k’ubukarani, ntibyatinze hashize umwaka umwe mfata icyemezo cyo kujya kwiga ishuri ry’imivugo.

Ubwo nabyize umwaka umwe n’amezi atatu, ndangije mfata umwanzuro wo
gusubira mu rugo, ndataha ndagenda nsubira kwiga, ubwo nahise njya muwa
kane (4) kuko nari nararetse kwiga mu ishuri rya Leta ndangije muwa gatatu,
ntangirira muri uwo mwaka Uwiteka ampa ubumenyi budasanzwe, nihuse gato
nuko ngeze muri uwo mwaka Uwiteka ampa ubumenyi budasanzwe, nihuse gato
nuko ngeze mu mwaka wa gatandatu w’amashuri abanza nkajya niga
nkabifatanya no gukorera amafaranga y’ibikoresho by’ishuri ariko ubwo uzi
kubura ikintu kandi ukireba ? ubwo naburaga ibikoresho kandi mbireba
ndakomeza ndiga mbikunze cyane kuko ibyiyumviro byanjye byanyumvisha ko
ngomba kuzaba rwiyemezamirimo wabigize umwuga ubwo nibwo nabonye
ntangiye kwiga mu mashuri yisumbuye ntangira mfite ubwenge budasanzwe
kugeza nubwo abarimu bose byabacanze bakibaza aho nkura ubumenyi
bikabayobera, ariko najyaga numva ijwi rimbwira riti : “ Humura mwana wanjye
nubwo bimeze bityo nzagutabara, nanjye nkumva ari ibintu bisanzwe ariko iyo
nibutse uko yabivugaga nuko yabisohoje ndayishimira”.

Reka nibuke no gushimira abantu Imana yajyaga ikoresha bakamfasha, by’umwihariko nshimire Pasiteri Twizeyimana François Xavier Imana imuhe umugisha kandi izamwungukire no mu butunzi bwe yakozemo kugira ngo ngubwe neza, nuko ngeze I Kigali mu mwaka wa 2011 nageze aho bita Kicukiro mpura n’umuntu andangira akazi kagoye cyane ku buryo naryamaga isaha imwe ku munsi nkakora amasaha 23.

Nakomeje kurwana n’iyo ntambara ariko nkajya nibuka ko hari ijwi numvise, ntibyatinze hatarashira n’amezi abiri nongera kumva rya jwi ryongera kumbwira ngo Gutegeka kwa kabiri 2:2 Uwiteka arambwira ati “Igihe mwazenugukiye uyu musozi kirahagije nimucyamike mwerekeje ikasikasi” nuko Imana ivugira muri iryo jwi rirambwira ngo jya mu Gatsata mbanza kubyibazaho ariko sinabitindaho, ntangira kuyibaza ahariho kuko nageze I Kigali mpita njya Kicukiro nta handi narinzi.

Nuko iranyobora rya jwi riragaruka rirambwira ngo : “uzajya ku bamotari hanyuma ubabwire ngo ndashaka kujya Kanyonyomba mu Gatsata irambwira ngo nuhagera nzaguha amafaranga yo kwishyura nuko numvira iryo jwi ndagenda”. Wakibaza uhageze wakwishyura ute cyangwa ugiye kuba he ? Nuko ngeze mu Gatsata aho abamotari baparika mpahurira n’umusore nuko ahita ambaza ngo niwowe ? Ambaza nk’inshuro eshatu mwihorera muri uwo mwanya mpita numva ijwi rimbwira ngo “ Vuga ko ari wowe”, Nanjye ndavuga ngo ninjye. Uwo musore ahita aha umumotari amafaranga yantwariye nuko arambwira ngo “ tugende” tujya iwe mu rugo ambwira ko ashaka ko tubana nanjye ndamubwira nti ihangane nzagusubiza ejo, nuko ndaryama bukeye ndamubwira nti “nabyemeye”.

Ubwo twatangiye kubana nka mukuru wanjye amfasha muri byose, ntibyatinze twabanye nk’amezi atanu, ntangira kumva rya jwi rimbwira ngo “ musezere ndashaka kukujyana gucumbika ahantu nihashira igihe gito nzahita nkuha ubushobozi bwo gukodesha inzu kuko ndashaka ko unkorera sinshaka ko unkorera abantu, nuko ndasezera.

PNG - 782.2 kb
Ukwizagira Jean Damascene ubu arashima Imana aho imugejeje


Ndibuka umunsi umwe mu mwaka wa 2007 nigeze kurota mbona ngiye kuvoma
ndikumwe n’abana bo mu rugo bose hamwe n’abandi batari abo mu rugo ariko
bo mu muryango, mbona tugiye kuvoma tugeze aho turuhukira turatura twese
ngo turuhuke kuko twari tunaniwe nuko tukimara gutura mbona amazi yabo
bose aramenetse hasigara ijerekani yanjye gusa kandi ayo mazi yose ameneka
azengurutse iyanjye kuko nari nabatuye hagati numva ijwi rimbwira ngo kuko
wambereye inkoramutima kandi ukaba uwo kubahwa nanjye nkagukunda nicyo
kizatuma ntanga ingabo nyinshi zigapfa kubwawe, rirongera riti nakumenye kera
utarava mu nda ya nyoko kandi nakwejeje utaravuka nzakugira umuhanuzi
uhanurira amahanga, ibi Imana yatangiye kubisohoza kuko maze kugenda mu bihugu bitandukanye mvuga ubutumwa ,nka Uganda, Kenya, Zambia ndetse nkaba nitegura kujya muri Botswana.

PNG - 805.9 kb
Aha Ukwizagira yari mu murimo w’Imana wo kuririmba muri Uganda hamwe na Chorale Salem


Murakoze cyane ibindi naho ubutaha, gusa sinakora ikosa ryo gusiga ntavuze aya
magambo “ nubwo byarenze inkombe ariko ntibyarenze ijambo” humura nawe
nubwo byarenze inkombe ntibizarenga ijambo”.

Nyamara rero dufite Ijambo ryahanuwe rirushaho gukomera kandi muzaba mukoze neza nimubyitaho, kuko rimeze nk’itabaza rimurika ahacuze umwijima
rigakesha ijoro (2 Petero 1:19).

@Umubavu.com


Travel for Free!


Tanga igitekerezo kuri iyi nkuru



Igitekerezo
Gasasila Kuya 17-04-2018

Imana iyo yagukereje muragendana kandiibyo Ingambirira ntakabuza irabisohoza,Uwiteka numwami mwiza.

Dawid Kuya 3-04-2018

Imana icisha inzira aho zitali kandi n’Imana itabura guseruka mubyago nomumakuba.

umwiza anje Kuya 3-04-2018

yoooo Imana ninziza ibihe byose.