Gira urongore wubake urugo urakuze- Ise wa Patient Bizimana amubwira

Mu gitaramo ngarukamwaka yise “Easter Celebration ” ahuriramo n’abakozi b’Imana batandukanye bakaramya Imana, kuri iyi nshuro by’umwihariko ku munsi wa Pasika tariki ya 01 Mata 2018, umuhanzi Patient Bizimana yakoze igitaramo kimubera andi mateka mashya nyuma yuko papa we umubyara amusabiye ku mugaragaro kurongora bitarenze uyu mwaka wa 2018.

Learn how to Thrive

Nkuko byagenze ku bakurikiranye iki gitaramo, Patient yagiye ku rubyiniro akurikiranye na mugenzi we Israel Mbonyi, asoje kuririmba ahita ahamagara ku rubyiniro abantu batandukanye barimo na se umubyara aza imbere kugira icyo avuga aribwo mu ruhame yamusabye gukora ibishoboka byose akarongora abishingira ko ngo akuze bihagije.

Mu gufata ijambo, se wa Patient mu magambo yatunguye benshi bari aho yagize ati”Gira urongore wubake urugo urakuze, umaze kuba umusore wuje byose byo kuba yashinga urugo.”

Patient acyumva ubu butumwa se amugejejeho yakubise agatwenge asa naho atari yiteze ko agiye kuvuga inkuru nk’iyi dore ko yari imbere y’imbaga yari yitabiriye iki gitaramo ikindi kandi cyatumye abantu batungurwa ni uburyo uyu muramyi Patient Bizimana atajya avugwa mu nkundo ndetse yewe kuba wanamenya umukobwa bakundana cyangwa se niba amufite bikaba bigoranye.

Patient asengera mu rusengero rwa Restoration Church rwa Apotre Masasu. Ku munsi wahariwe abakundana wizihizwa tariki 14 Gashyantare buri mwaka nibwo Patient yagaragaye asa nugaragariza ibyishimo umukobwa wa Apotre Masasu gusa nta byinshi aba bombi batangaje.

PNG - 941.7 kb
Aha nibwo ise wa Patient yamugabiraga inka ari nako yamusabaga kurongora vuba mu uruhame arinako

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo