Divine Network International Ministries itsinda ry’abakiristo baturuka mu matorero  atandukanye ku isi

Ku ncuro ya kabiri bateguye igiterane ngaruka mwaka cyitabirirwa n’ingeri zose.
Uyu mwaka, Iki giterane kizaba ku wa gatandatu tariki 25 no ku cyumweru tariki 26 Ugushyingo 2017, kizajya gitangita saa 13h00 z’amanywa ku
itorero Umusozi w’ ibyiringiro ribarizwa Kimisagara mu mujyi wa Kigali.

Muri iki giterane hatimiwemo abavugabutumwa ku rwego mpuzamahanga nka Rev Pasteur Anastase guturuka Uganda ndetse na
Apotre Lyliane uyobora itorero umusozi w’ ibyiringiro n’ abandi bakozi b’ Imana batandukanye. Si abo gusa ahubwo hazagaragaramo n’uwatangije itsinda Divine Network International Ministries bwana Habineza Jean Claude uzaturuka muri Amerika͵ akaba afite inkomoko mu Rwanda.

Umuhanzi Bigizi Gentil ukunzwe ku rwego mpuzamahanga mu ndirimbo ze zikunzwe cyane kandi na True Way Worship Team aho bazafasha abazitabira icyo giterane mu kuramya no guhimbaza.

Nkuko umuyobozi mukuru w’itsinda Divine Network International Ministries Pastor Joseph yabitangaje yavuzeko intego bazifashisha uwo munsi iboneka muri
Zaburi 136 bashima Imana nayo inezerwa ikaba itabura kubakorera ibitangaza ikoresheje abakozi bayo.

Twabibutsa ko iri tsinda atari ubwa mbere rikoze igiterane nk’iki kuko mu mwaka wa 2016 cyakozwe neza ndetse abacyitabiriye bakaba barahahembukiye ndetse hakabonekamo abakurikira Yesu Kiristo no kubohorwa.

Tuganira n’uwagize ihishurirwa ryo gutangiza iri tsinda bwana Habineza Jean Claude, yadutangarije ko aribyo gushimira Imana kuba hari aho ibagejeje heza cyane ndetse ko bafite ibimenyetso bibemeza neza ko izabageza aheza kurutaho.

Mu magambo ye y’ibyishimo yagize ati : " Turanezerewe cyane njye nabo dukorana umurimo w’ivugabutumwa mu itsinda ryacu(Divine Network International Ministries), hari byinshi Imana yadushoboje kandi hari nibyo izadushoboza mu gihe kiri imbere.

Nk’uko Ijambo ry’Imana rivuga ngo ntituzapfa ahubwo tuzarama dutekerereze abantu imirimo y’Uwiteka, natwe turakomeje kuko iki nicyo gihe cyiza ngo tubwire abantu iby’inkuru nziza ya Yesu kristo Ni igiterane kizitabirwa n’ab’ingeri zose ndetse baturutse hirya no hino ku isi kuko iri tsinda rikorera ku isi yose.



Tanga igitekerezo kuri iyi nkuru



Igitekerezo