Colombia: Hafunguwe urusengero rw’abaramya satani ku mugaragaro (Amafoto)

Mu gihugu cya Colombia mu gace kitwa Montenegro mu cyaro cya Quindío, hafunguwe urusengero ruzajya rusengeramo abiyemeje kuramya ndetse no guhimbaza umwanzi satani abenshi bakunze no kwita sekibi.

Aya makuru yemezwa n’umunyamakuru wa PSC TV ubwo tariki ya 01 Mutarama 2016 yagiraga amahirwe yo kuvugana bwa mbere n’ukuriye uru rusengero witwa Victor Damian Rozo, uru rusengero rukaba rwubatse ahitwa mu gace ka Montenegro, Quindio muri Colombia.
Umukuru wa runo rusengero yavuze ko uru rusengero rudakora ibijyanye n’imigenzo mibi ya sekibi ndetse ko bamaze gutera imbere aho bamaze kubaka urusengero rushya mu gace kitwa Quindío mu burengerazuba bw’igihugu cya Colombia.
Uru rusengero rwitwa The Luciferian Seeds church of the Light rwatwaye akayabo ka Miliyoni 22 z’amadorari aho kuri ubu rumaze kubona abayoboke bangana na miliyoni imwe y’abantu batuye mu bice bitandukanye by’isi.
Umuyobozi mukuru w’uru rusengero ruramya sekibi Victor Damian Rozo yanyomoje amakuru avugako muri runo rusengero hakorerwamo ibikorwa byo gutanga ibitambo bica abantu avugako abavuga ibyo babeshya ndetso ko uru rusengro ntaho ruhuriye n’idini rya Gaturika kubera ko rufite igishushanyo mbonera cy’uru rusengero.
Bamwe mu bayoboke biri dini rya sekibi bakora akazi ko kuramya bo guhimbaza bavuga ko badakwiye kuramya Imana gusa kuko na Satani akora ibitangaza kandi ko afite ubufasha bwo kuzura abantu ndetse no kubakiza.
Uru rusengero ruterwa inkunga n’abakorera bushake bizerera mu mwuka wa sekibi batuye mu bihugu bitandukanye ku isi , umuyobozi mukuru w’uru rusengero yatangaje ko afite intego yo gukora inama izahuza buri muntu wese wifuza kuba umuyoboke wa The Luciferian Seeds church of the Light ndetse no gukora iteraniro ry’abantu ibihumbi 300 rigamije kuramya no guhimbaza.
Ubuyobozi bw’ iri dini butangaza ko bugendera ku mategeko ya Colombia kandi ko bamaganye ibihuha bivuga ko bakoreraho abantu imihango ya sekibi.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
Ngabo Kuya 26-04-2018

Satani arigukorera mums church. menshi usangabayobozi bamwe bamereyenabi abayoboke ugasangabanyabyaha aribobafite ijambo wibaza kumpanvu zamacakubiri bahorana ntayindimpanvu niiyo

solide Kuya 21-04-2018

imana idufashe

ange Kuya 19-04-2018

Birababaje kbs tugomba gusenga cyane kuko ndabona isi igeze kure.

ange Kuya 19-04-2018

Birababaje kbs tugomba gusenga cyane kuko ndabona isi igeze kure.

Boringo Kuya 18-04-2018

Igitangaje hano ni ukumva umuntu wemera ko akorera satani ku mugaragaro nah’ubundi abayobozi benshi b’amadini bazi neza ko bakorera satani ariko bakabikomeza ku nyungu bakuramo bigatuma batabasha kubibwira abayoboke babo.
Satani akorera cyane mu madini kuruta uko byahoze ndetse n’ibitangaza arabikora rwose gusa abantu bakibeshya ko bivuye ku Mana kandi si byo!
Aho niho muri Bibiliya Yesu Yavuze ngo hari abazamubwira ko bakoze ibitangaza mu izina rye nyamara akaza kubabwira ko azabasubiza ko atigeze abamenya!
None ubwo wibajije, ibitangaza byose bikorwa muri Iyi minsi bikomoka hehe?
Ni kwa satani ntahandi! Bamwe biyita umuriro,abanyabitangaza,abahanuzi, abigisha n’andi mazina menshi cyane ariko bakorera satani!
Wa munyamakuru we rero Reka Iyi message itambuke kuko ntibura abo Ifasha!
UWITEKA IMANA y’ukuri ikireshe umwuka wera Ifashe abantu yaremye bamenye ukuri kuva mu ijambo ryayo Bibiliya maze babatuke bategereze iherezo ryiza bibere mu ijuru rishya n’isi nshya!
Haleluyah!

edouard Kuya 18-04-2018

igihe kirageze kugirango abasenga data watwese bamusenge mukuri no mwuka