Korale Bethfage ya ADEPR Karambo yabateguriye igataramo gikomeye

Umuyobozi wa korale Bethfage Eustache Karera yavuze ko bari gutegura igiterane k’imbaturamugabo kizaba mu mpere z’uyu mwaka kikazaba gitandukanye n’ibindi bitaramo iyi korale yagiye ikora aho abantu bazahabwa amasezerano abinjiza mu mwaka wa 2017.

Aganira n’umubavu yavuze ko bari mu myiteguro yo gutehura igitaramo kizaba ari imbaturamugabo aho ngo bazaba bari gukora amashusho y’indirimbo bafite z’amajwi.

Yagize ati, " Turi mu myiteguro yo gukora amashusho y’indirimbo dufite kugera ubu tukaba twarateguye igitaramo tuzanafatamo amashusho yazo tuzaba turi kumwe n’amakorari akomeye yahano i kigali nkaba ndarikira abantu batandukanye bari hano mu mujyi wa kigali bakunda indirimbo zo guhimbaza Imana tutazahabura kuko tuzaba turi kumwe n’amakorari akunzwe ya hano mu Rwanda"


Umuyobozi wa korale Bethfage Eustache Karera
Nk’uko yabivuze iki gitaramo kizitabirwa n’amakorale akomeye yahano mu mujyi, aho hazaba harimo amakorali nka Korale Shalom yo muri ADEPR Nyarugenge , Korale Besalere guturuka muri ADEPR ya Nyanza ku mudugudu wa Murambi , Korale Ukuboko kw’iburyo yo muri ADEPR Gatenga n’andi ma Korales yo kuri uwo mu dugudu wa Karambo.

Iyi korale yavutse 1998 muri 2001 itangira gukora ibitaramo mu gihugu ahantu hatandukanye. Ifite umuzingo umwe n’ukuvuga volume 1 y’indirimbo z’amajwi ariko ikaba irimo kwitegura gutangira gukora amashisho.

Iki giterane kikazaba mu kwezi kwa Cumi nabiri 15 - 17/12/2017 . Ikazaririmba indirimbo nyinshi zirimo Turakumbuza Abera na Utukufu n’izindi zafashije abatari bake mu minsi ishize ikora umurimo w’Imana.
Abaririmbyi ba Korale Bethfage bari muri myiteguro ikomeye cyane bitegura icyo gitaramo kidasanzwe.

Bamwe mu baririmbyi b’iyi korari baganiriye n’umubavu bavuga ko hazaca uwambaye kuko ngo bari mu myiteguro idasanzwe, bagize bati, "muri iki gitaramo hazaca uwambaye ukurikije imyiteguro turimo nka korale Bethfage ubwayo ukuntu turirimba noneho wakwongeraho izi zindi tuzaba turi kumwe bikaba bigaragara ko umuriro w’Umwuka wera uzaka abantu bagafatwa".



Tanga igitekerezo kuri iyi nkuru



Igitekerezo
jado Kuya 28-11-2017

twishimiye ivugabutumwa bari gukora uwiteka azabashoboze

jado Kuya 28-11-2017

twishimiye ivugabutumwa bari gukora uwiteka azabashoboze