Botswana: Leta yafunze urusengero rw’Umupasiteri uvuga ko agendera mu kirere akanakiza SIDA

Ni nyuma yuko Umupasiteri witwa Bushiri w’Umunyamalawi, uvuga ko yagendeye mu kirere ndetse agakiza abantu benshi SIDA, Leta y’igihugu cya Botswana akoreramo yafashe icyemezo cyo gufunga uru rusengero rwe.

Urwo rusengero rwafunzwe rwitwa Enlightened Christian Gathering Church (ECG) rukaba rwayoborwaga na Pasiteri wiyita intumwa y’Imana witwa Bushiri akaba Umunyamalawi.

Zimwe mu mpamvu uru rusengero rwafunzwe harimo n’izijyanye no kwizeza abaturage amafaranga mu buryo yita bw’ibitangaza.

Ikinyamakuru Malawi24 gitangaza ko ubuyobozi bw’iryo torero bwajururiye icyo cyemezo. Ni nyuma y’umwaka gusa uyu pasiteri kandi yari yangiwe kwinjira mu gihugu cya Botswana.

Minisitiri muri Bostwana witwa Edwin Batshu muri Mata 2017, yatangaje ko Bushiri usanzwe utuye mu gihugu cya Afurika y’Epfo yagombaga kuba afite visa imwemerera kujya muri Botswana nubwo Abanyamalawi mu bisanzwe bitabasaba kuba bafite Visa yo kujya mu gihugu cyabo.

Psiteri Bushiri ni muntu ki?

Uyu mu pasiteri w’Umunyamalawi wiyita Intumwa afite insengero mu bihugu bya Ghana na Afurika y’Epfo

Avuga ko yakijije abantu benshi indwara ya Sida ko anazura abantu bapfuye bakongera kuba bazima,

Yahanuye ko Ubwongereza buzacikamo ibice
Aragaraga nk’ugendera mu kirere muri video yakwirakwijwe ku mbuga nkoranyambaga

Yabwiye umunyepolitiki wo muri Zimbabwe witwa Kembo Mohadi ko azambikwa ikamba mbere yuko agizwe Visi Perezida,

Leta ya Botswana ivuga ko urusengero rw’uyu mu pasiteri rwafunzwe ko n’icyemezo ryari ryarahawe kiryemerera gukora gitawe agaciro .

Iki kinyamakuru kivuga ko ubwo buryo bwo kubona amafaranga mu buryo bw’ibitangaza, kwizeza abaturage ko bazahabwa amafaranga muri ubwo buryo, binyuranye n’amategeko igihugu kigenderaho.

Pasiteri Bushiri usanzwe afite abamukurikira benshi kuri facebook, mu mpera z’umwaka ushize muri stade yo muri Afurika y’Epfo yujuje ibihumbi n’ibihumbi by’abantu bari baje kumukurikira yigisha, avuga ko mu gihe gito ari bugire icyo avuga kuri icyo cyemezo cya Leta cyo kumufungira urusengero.

Uyu mu pasiteri kandi ngo azwiho kwambara mu buryo butangaza benshi.

Umwaka ushize yatangaje abantu benshi ubwo yasaba abantu gutanga ama rand (amafaranga akoreshwa muri Afurika y’Epfo) igihumbi n’ibihumbi 25 ( 17,000 Frw) ku buri wese wifuza gusangira nawe.

PNG - 718.5 kb
Pasiteri Bushiri uvuga ko agendera mu kirere

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo