Bosebabireba wahondaguriwe mu Bugande agakomereka mu gahanga yasuwe aho arwariye

Uwiringiyimana Théogène, umuririmbyi wamamaye mu ndirimbo zihimbaza Imana haba mu Rwanda no hanze yarwo nka Theo Bosebabireba uherutse gukubitirwa bikomeye mu gihugu cya Uganda akajyanwa mu bitaro dore ko yanakomerekejwe bikomeye mu gahanga byatumye apfukwa, yasuwe n’Abapasiteri bitwa ‘Abanyamavuta’ aho arwariye, baramusengera banamugezaho n’ubufasha bw’amafaranga.

Hari amakuru ataremezwa neza na nyirubwite avuga ko Theo yakubitiwe mu kabari ubwo yari avuye mu gitaramo yakoreraga muri Uganda akaba ari naho akiri kuva yakubitwa.

Uyu muhanzi wogeye mu ndirimbo zo guhimbaza Imana yakubiswe mu minsi ishize n’amabandi amusigira uruguma mu mutwe ku buryo agifite ibipfuko ku mutwe. Avuga ko azagaruka mu Rwanda ari uko yakize neza; abamukubise ntibaramenyekana kugeza n’ubu.

PNG - 869.7 kb
Bosebabireba yakomerekejwe mu gahanga


Arwariye Mbarara ari naho bamwe mu nshuti ze, abo mu muryango we ndetse n’Abapasiteri bakomeje kumusanga bakamusura.Mu mpera z’iki cyumweru yasuwe n’itsinda ry’abapasiteri ‘Abanyamavuta’, baramusengera, baramuhumuriza bamuha amafaranga yo kwifashisha muri iki gihe ari kwivuza.

PNG - 883 kb
Bosebabireba arwariye i Mbarara ni naho yasuwe


Abanyamavuta bagizwe n’aba Pasiteri b’abavugabutumwa bakorera imirimo y’Imana mu Rwanda no muri Uganda.Pasiteri Nyirimpeta Anastase ubarizwa muri Uganda, akaba uri mu bashumba b’abanyamavuta basuye Theo Bosebabireba yabwiye Iyobokamana ko bakimara kumva ko Theo yakubiswe bashatse uko bamugeraho mu buryo bwihuse.

Yagize ati: “Njyewe numvishe inkuru zo gukubitwa kwa Theo Bosebabireba ndi mu ivugabutumwa muri Tanzaniya i Dar-Salamu noneho aho ngarukiye muri Uganda nahise ngira igitekerezo cyo gusura uyu muhanzi dore ko twakoranye umurimo w’Imana cyane yaba mu Rwanda na hano muri Uganda”

PNG - 900.1 kb
Aho arwariye Theo yahawe ubufahsa burimo n’amafaranga


Theo Bosebabireba yashimye bikomeye umugore we wamubahaye muri iki gihe anashima abantu bose n’abakozi b’Imana bakomeje kumusengera bamwereka Imana.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo