Bishop Sibomana arashinja ADEPR  kumutesha agaciro no kumwandagaza mu ruhame

Bishop Jean Sibomana uherutse kurekurwa n’urukiko, wahoze ari Umuvugizi w’Itorero rya Pantekote mu Rwanda ADEPR , yasubije ibaruwa yandikiwe n’ubuyobozi bwa ADEPR mu minsi ishize agaragaza ko ibyo yakorewe na bagenzi be ari ukubasuzugura kuburyo bukomeye.

Ibaruwa yasubije, yayandikiwe kuwa 06 Ukwakira 2017 imumenyesha ko yambuwe inshingano za Gipasieri na bagenzi be barimo Bishop Tom Rwagasana bari banafunganye bazira kunyereza amafaranga y’itorero nk’uko bivugwa.

Uyu mugabo yagaragaje ko ingingo bashingiyeho babambura inshingano za Gipasiteri zihabanye n’amahame ya Bibiliya ndetse n’amabwiriza y’Itorero rya Pantekote mu Rwanda ADEPR.

Yumvikanishije ko ibyamukorewe byari bigamije kumutesha agaciro no kumwandagaza mu ruhame.Yasabye abayobozi n’abandi bose barebwa n’iki kibazo muri ADEPR ko bakwicara bakongera gusuzumana iki cyemezo ubushishozi.

Yakomeje abwira umuyobozi wa ADEPR Rev. Karuranga Ephraim ko raporo bashingiyeho bamuhagarika we atayizi , kandi atazi ibiyikubiyemo.Ngo ibiri muri iyo raporo bihabanye n’ukuri ku izindi raporo zayibanjirije kandi zemezwaga n’inzego za ADEPR zibifite mu nshingano.

Asoza ibaruwa ye yibukije umuvugizi mukuru wa ADEPR wamusimbuye Rev. Karuranga Ephraim ko we na Komite bafatanyije kuyobora muri iki gihe bakwiye kurangwa n’urukundo bagasubira mu masezerano bagiranye n’Imana basura abafite ibibazo by’uburwayi muri iki gihe.

Mu minsi ishize Bishop Sibomana Jean wahoze ari umuvugizi mukuru w’Itorero rya Pantekote mu Rwanda ADEPR yicajwe mu myanya yagenewe abakirisitu ubwo yajyaga gusengera i Nyarugenge.

JPEG - 36 ko
ADEPR yamwandikiye imumenyesha ko yambuwe inshingano
JPEG - 67.3 ko
Ibaruwa Bishop Sibomana yandikiye ADEPR ayigaragariza ko yarenganye



Tanga igitekerezo kuri iyi nkuru



Igitekerezo
MUVUNYI TOM Kuya 30-10-2017

ABABANTU NTASONI BAGIRA ESE BIBWIRA KO BARUSHA ABANTU BOSE UBWENGE BABONE ABAKIRISITU NKIBICUCU BITWIKIRA IFOTO YO MUBYIMANA KANDI ARIBIRURA NONESE BURIYA BARAJYA MUMANZA BASHAKAKO BONGERA KWIBA AHUBWO NTABWO BARANDAGARA UBU NIBWO BAGIYE KWANDAGARA NABANDI BABIBONEREHO BAREKE UBUJURA BABESHYA NGO BARASENGA

MBONYUMUREMYI STANY Kuya 30-10-2017

KWICA UMURIMOWIMAN A BYARAYIRAMBIYE KANDI IYO UMUNU ABUZE UBWENGE IMANA IRAMUREKA

umukirisito Kuya 29-10-2017

Ibi njye nari narabibonye mbere.Aho bimika ubujura mu itorero,kurya abakristo uko bishakiye,ubwesikoro ....Uzi amaf.bandiye ???Sinzabyibagirwa.

Niyonzima Pierre claver Kuya 28-10-2017

Niwe wakitesheje uwiteka yaramwanitse kuko nyine nawe yatukishije itorero bikabije akwiye igihano gikomeye kandi urubanza rukomeye ruramutegereje

Niyonzima Pierre claver Kuya 28-10-2017

Niwe wakitesheje uwiteka yaramwanitse kuko nyine nawe yatukishije itorero bikabije akwiye igihano gikomeye kandi urubanza rukomeye ruramutegereje