Aline Gahongayire witegura kumurika Alubumu ye yahumurije imitima ya benshi mu ndirimbo ye nshya yise “Iyabivuze”

Aline Gahongayire, ni umuririmbyikazi uririmba indirimbo zo kuramya no guhimbaza Imana kuri ubu akaba yarabateguriye igitaramo cy’imbaturamugabo cyo kumurika Alubumu ye nshya yise “NEW WOMAN”, iki gitaramo kikazaba tariki ya 27 Ukwakira 2017 kuri Ubumwe Grande Hotel ku wa gatanu taliki ya 27 Ukwakira 2017 guhera saa kumi n’ebyiri z’umugoroba.

Uyu muhanzikazi bidashidikanywaho ko amaze kwigarurira imitima ya benshi ndetse no guhindura abantu ababwiriza ubutumwa bwiza binyuze mu bihangano bye by’indirimbo akomeje kugaragaza ko ari umwe mu bahanzi ba Gospel bahagaze neza mu Rwanda ndetse badasiba gushyira hanze indirimbo zirimo ubutumwa bwiza buhamagarira abantu kuba hafi y’Imana no gukora ibyo ibashakaho.

Amwe mu magambo akubiye mu ndirimbo yashyize ahagaragara yitwa “Iyabivuze” ni ahamagarira abantu gutegereza amasezerano bafitanye n’Imana kandi bakizera ko azasohora nta nkomyi. Harimo imirongo igira iti ""...Iyabivuze no kubikora izabikora...naho inzuzi zakama,imigezi ikaba ibibaya ndabizi neza ko icyo yavuze kizasohoza...".
Aline Gahongayire ashyize hanze iyi ndirimbo mu gihe yitegura gukora igitara cy’imbaturamugabo cyo kumurika umuzingo we (album) witwa "NEW WOMAN" kizabera kuri Ubumwe Grande Hotel ku wa gatanu taliki ya 27 Ukwakira 2017 guhera saa kumi n’ebyiri z’umugoroba.
Iyi ndirimbo ije ikurikira izindi z’uyu muhanzikazi zikunzwe cyane muri iyi minsi nka "WARAMPISHE", na "NIYO YABIKOZE". Ibi bivuze ko abakunda indirimbo zo kuramya no guhimbaza Imana bashonje bahishiwe ndetse bazagirira ibihe byiza muri iki gitaramo cyo kumurika alubumu "NEW WOMAN" ya Aline Gahongayire.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo