Alarm Ministries igiye kumurika Album yise

Alarm Ministries yateguye igitaramo gikomeye ndetse cy’amateka cyo kumurika Alubumu yabo y’amashusho bise “Turakomeye”, kizabera muri Kigali Serena Hotel.

Learn how to Thrive

Amakuru agera ku kinyamakuru Umubavu.com, avuga ko umwigisha w’ijambo ry’Imana muri iki gitaramo cyo kumurika uyu muzingo wa Alarm Ministries igiye gukora ari Intumwa Dr Paul Gitwaza.

PNG - 627.5 kb
Intumwa y’Imana Dr. Paul Gitwaza uyobora Zion Temple Celebration Center niwe uzaba ari umwigisha w’ijambo ry’Imana muri iki gitaramo


Iki gitaramo kizamurikirwamo umuzingo w’amashusho bise “Turakomeye” uzaba ugizwe n’indirimbo 12, amashusho yafatiwe mu gitaramo iri tsinda riherutse kugirira muri Dove Hotel ku Gisozi cyari cyahuruje imbaga.

Kwinjira muri iki gitaramo kizabera Kigali Serena Hotel ku Cyumweru taliki ya 25 Werurwe 2018, bizaba ari amafaranga ibihumbi 10,000Frw muri VIP, 5,000 Frw ndetse na 3,000Frw dore ko batazaba ari bonyine kuko bazaba bafatanya n’Itsinda rimaze kwamamara hano mu Rwanda rizwi nka Healing Worship Team ndetse na Sholom choir yo muri ADEPR i Nyarugenge.

PNG - 766.3 kb
Healing Worship Team izaba itera ingabo mu bitugu Alarm Ministries mu imurika Alubumu yayo "Turakomeye"
PNG - 837.4 kb
Iyi ni Shalom Choir yo kuri ADEPR Nyarugenge nayo izaba ihimbaza Imana


Alarm Ministries ni rimwe mu matsinda akomeye hano mu Rwanda mu ndirimbo zihimbaza Imana kandi rikunzwe cyane kubera urwego rukomeye rw’imiririmbire bamaze kugeraho. Abagize uyu muryango bakaba bifuza ko Abanyarwanda bose bazaza kwifatanya nabo mu kuramya no guhimbaza Imana no gushyigikira umurimo wayo mu buryo butandukanye.

PNG - 805.2 kb
Alarm Ministries imaze kubaka izina hano mu Rwanda


Alarm Ministries yatangiye ari itsinda rigizwe n’abantu batarenga batandatu babarizwaga muri Rehoboth yo muri Restoration Church, baje kugira umuhamagaro wo kuryagura mu kurushaho kuvuga ubutumwa bifatanya n’abandi baririmbyi batandukanye ku buryo imaze kugira abantu bakabakaba ijana barimo abaririmba n’abakora ibindi bikorwa bitandukanye mu iterambere ryawo.

Mwese Muhawe ikaze muri iki Gitaramo kizamurikwamo Album ya Alarm Ministries yise "Turakomeye ".

PNG - 1.2 Mb
Iki gitaramo kizaba ari amateka kuri Alarm Ministries bamurika Alubumu yabo bise “Turakomeye”


Ukeneye kumenya byinshi kuri iki gitaramo ndetse no kumenya uburyo wabona Ticket yo kuzinjira wabahamagara kuri Telefoni zikurikira: 078832 4770/ 0788595826

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo