Abanyarwanda turaziranye. Nta munyarwanda wabeshya kabiri

Aya n’amagambo yagarustweho na Bishop Rugagi Innocent. Ubwo yashakaga kwumvikanisha ko abavuga ko abantu ahanurira aria bantu runaka bababahanye gahunda ngo aze abahanurire hanyuma bakabanza kumubwira ibyabo nawe akaza kubisubiramo.

Aho Bishop Rugagi yavugaga ko iyo atari imikino wakina mu Rwanda, ndetse ko abanyarwanda baziranye, kuburyo ibyo bintu baba bavuga bitanashoboka , cyangwa n’uwagerageza kubikora yabikora rimwe gusa rizira irya kabiri.

Mu magambo ye yagize ati : “ Ndakurahiye abanyarwanda turaziranye ntabwo wabeshya abanyarwanda kabiri, cyangwa ngo uwo mukino uwukine muri uru Rwanda. Ese tuvuge ko ari njyewe uba wabwiye abantu kugendera mu tugare n’imbago, kugira ngo baze mbakize, wasobanura ko ubwo ari nanjyewe uba wabujije abantu kubyara bakamara imyaka irenga icumi na , cyangwa makumyabiri na, kugira ngo nabo baze mbasengere babone urubyaro ?”

Bishop yakomeje avuga ko abantu Babura kwizera , ibyo Imana ikora ahubwo bagashakisha ibyo bahora bahimbahimba kugira ngo bagire abantu bayobya. Bishop Rugagi kandi iyo agiye guhanurira umuntu akenshi abanza kumubaza ati : Ni kunshuro ya kangahe usengeye hano, abenshi cyane usanga ari ku nshuro ya mbere uwaje kenshi aba ari kuya kabiri. Naho uwahageze ku nshuro ya gatatu n’iya kane baba ari imboneka rimwe.

Ubundi akamubaza ati : Nari nahura nawe, cyangwa twari twavugana no kuri telephone ? Bati hoya. Keretse gusa wenda umuntu usanzwe ahasengera.
Ikindi kandi n’uko hari abantu benshi baza mu iteraniro gushima Imana ko Bishop Rugagi yabasengeye bagakira, abinyujije kuri televisiyo, kandi akabavuga mu izina ryabo aho bari, yaba mu Rwanda cyangwa mu mahanga. Kuko no kuwa Gatatu ushize hari umugabo waje gushima Imana ko Bishop yamusengeye ari kwumva kuri televisiyo, kuko yabanaga n’ubumuga bwo kutareba, ahita ahumuka, uwari usanzwe amurandata aje kumureba asanga yarebye.

Bishop yakomeje kandi atsindagira aya magambo ko nta muyobozi wa mushimira cyangwa akamuha igihembo cy’ubufatanye bwiza, abona ayobya Abanyarwanda. Ubwo yari yahawe igihembo cy’ubufatanye bwiza n’umujyi wa Kigali.

JPEG - 160.1 ko

Kandi uko iminsi ishira niko abantu bagenda biongera kwa Bishop Rugagi yaba kuwa Gatatu cyangwa Kucyumweru. Baba bakubise buzuye ahubwo n’abandi bari mu madirishya, kuko icyumba ubu akoreramo, n’ubwo ari kinini bigaragara, kiba cyuzuye. Ariko Bishop Rugagi akunda kugaragaza ko ari kubishakira umwanzuro vuba.

JPEG - 183.2 ko



Tanga igitekerezo kuri iyi nkuru



Igitekerezo