ADEPR babiri mu bari bagize inzibacyuho bisanze hanze

Itorero rya Pentecote ryo mu Rwanda ADEPR kuri uyu wa gatandatu taliki ya 17 Werurwe 2018 Muri DOVE Hotel hari kubera amatora y’abayobozi 5 bashya (Biro Nyobozi) bagomba gusimbura abamaze amezi 9 mu nzubacyuho.Abatorwa bakaba bazayobora mandat y’imyaka 5 .

Learn how to Thrive

Muri uku kwezi kwa Mata ubwo leta y’u Rwanda yatangiraga gufunga insengero zimwe na zimwe zitujuje ibyangombwa byasabwe , hari abakirisitu ba ADEPR binubiye itegurwa ry’amatora bavuga ko ikihutirwaga ari ugushaka aho abakirisitu ( intama ) basengera kurusha uko ubuyobozi buriho bufatanyije n’inama y’ubutegetsi bashyira imbaraha mu gutegura amatora bivugwa ko bamwe mu bayobozi bayoboye inzibacyuho bifuza kuguma ku buyobozi biciye mu matora yabaye kuri uyu wa Gatandatu tariki 17 Werurwe 2018.

Iyobokamana.com twagerageje uko dushoboye ngo tubabere muri uyu muhango ariko twahageze dusanga itangazamakuru ryakumiriwe kuburyo bukomeye ariko tubagumira hafi .

Muri aya matora habayemo impinduka kuko benshi bibwiraga ko abari basanzwe bayoboye inzibacyuho bose bagaruka ariko siko byagenze kuko muribo hajemo batatu abandi babiri barimo umunyamabanga mukuru n’umujyanama bisanze hanze.

Dore uko abayobozi bagomba kuyobora ADEPR imyaka itanu batowe:

Umuvugizi w’Itorero rya Pantekote mu Rwanda utoye ni Reverand Karuranga Rev Karuranga Ephraim wayoboye inzibacyuho y’amezi icyenda asimbuye Bishop Sibomana Jean.

Umuvugizi wungirije ushinzwe ubuzima bw’Itorero abaye Reverand Karangwa John warusanzwe ari kuri uwo mwanya.
Umunyamabanga mukuru abaye Pasiteri Gatemberezi Paul usimbuye Pasiteri Ruzibiza Viateur.

Ushinzwe Imali n’Ubukungu mu Itorero rya ADEPR akomeje kuba Mme Aurelie UMUHOZA nkuko ari nawe yari ukuriye uru rwego mu nzibacyuho yayoboye amezi icyenda.

Umujyanama mu by’Imali n’Ubukungu mu Itorero rya ADEPR abaye Pasiteri Ntaganda Jean Paul usimbuye Pasiteri Patrick NSENGIYUMVA wayoboye amezi icyenda muri komite y’inzibacyuho.


Travel for Free!


Tanga igitekerezo kuri iyi nkuru



Igitekerezo
Mutabazi Kuya 23-03-2018

Bayobozi turabisabira kwitakumukumbi kuvugurura hejuru gusantacyobyatumarira. mumanuke muri.Parish, NA District. kuko imikorere ihari niyayindi ntakigenda

Boringo Kuya 18-03-2018

Amatiku ya Ruzibiza na mugenzi we Patrick ndabona yabagarutse!
N’abandi si shyashya ariko abo Bagabo bombi naho bazabashyira hose Hagushije ishyano.
Inzangano zabo no gusebanya ni ukubasengera bakizera Imana bagakizwa!

evariste Kuya 17-03-2018

lmana ihabwe icyubahiro dutegereje impindura matwara.

evariste Kuya 17-03-2018

lmana ihabwe icyubahiro dutegereje impindura matwara.

Niyomugabo Kuya 17-03-2018

TWIZEYEKO NONEHO MUGIYE GUHINDURIBINTU