ADEPR  Karambo muri paroisse ya Gatenga biyemeje ko bagiye kugira igicaniro gihoraho

Nyuma y’igiterane cy’imbaraga basusurukijwemo na Chorale SAUN ya Adepr Cyahafi mu muhango wo kwita izina HOLLY GATE CHOIR yahoze ari korali y’urubyiruko ya ADEPR Karambo,ubuyobozi bw’umudugudu wa Karambo bwatangarije umubavu.com ko aricyo gihe kugirango uwo mudugudu ugire igicaniro cy’ububyutse bukomeye.

Tuganira n’umuyobozi w’umudugudu Ev.Anastase HAGENIMANA yatubwiye ko nyuma yo kubonako bakeneye guhorana imbaraga z’zmasengesho kandi Imana ikaba yarabibabwiye bagomba guhorana igicaniro cy’amasengesho.

Yagize ati:"Ni kenshi Imana yagiye itubwira ububyutse bwo ku rwego rwo hejuru kandi rwose twabonye ikimenyetso gikomeye ku cyumweru cyo kuwa 14/1/2018;ibyo twabonye byadusigiye isomo rikomeye kandi tugiye kubibyaza umusaruro ntakongera kwicara ahubwo turakomeje.

Tumubajije uburyo bagiye gukoresha yatubwiye ko icyambere bagiye gukora ari ukubanza gufasha amakorali yo kuri uwo mudugudu kugirango atere imbere; afashwe kubona ibyuma bihagije ndetse anafashwe mu kuzamura urwego rw’imirimbire yabo,ikindi yadutangarije ko bagiye kurushaho gutegura ibitaramo bikomeye ku rwego rwo hejuru, aho yagize ati, "Korali yose izi ikomeye muri iki gihugu muzayibona hano ku Karambo ndetse n’abigisha bakunzwe kuko nubu tuvugana hari imwe mu makorali akomeye yarangije gutumirwa mu kindi giterane duteganya mu kwezi kwa gatatu."

Ev.Hagenimana yakomeje atubwira ko kandi amasengesho bagira yo mu mibyizi kuwa 3 wa buri cyumweru bagiye kurushaho kuyaha imbaraga ndetse n’asanzwe aba kuwa 5 kuva saa kumi n’imwe yageraga saa mbili agiye kujya agera saa yine z’ijoro.Mu byo mutegura byose musange ikinyamakuru umubavu.com ibyanyu bimenywe n’abantu benshi.


Travel for Free!


Tanga igitekerezo kuri iyi nkuru



Igitekerezo
Gasana Janvier Kuya 28-03-2018

Nibyiza pe!!kdi Imana izadushyigikire bibaye byiza ikijyanye nibyuma cyakwihutishwa.kuko ibyuma byiza kumanaginga sound yabyo biroroha cyane Noneho haha harimo sound proof byo bikanga akarusho biryo byabasha kuturinda muguhora tubwirwa ko ibyuma bisakuriza abaturage.Good as well.

Gasana Janvier Kuya 28-03-2018

Nibyiza pe!!kdi Imana izadushyigikire bibaye byiza ikijyanye nibyuma cyakwihutishwa.kuko ibyuma byiza kumanaginga sound yabyo biroroha cyane Noneho haha harimo sound proof byo bikanga akarusho biryo byabasha kuturinda muguhora tubwirwa ko ibyuma bisakuriza abaturage.Good as well.