ADEPR Karambo: Abagabo bibukijwe gukunda abagore babo nkuko Kristu yakunze itorero

Byari ibihe byiza ndetse bitazibagirana ku bitabiriye igiterane cy’iminsi itatu cy’ivugabutumwa by’umwihariko mu kiciri cy’abagabo cyabereye ku mudugudu wa ADEPR Karambo ubarizwa muri Paruwasi ya Gatenga mu ntego igira iti “Bagabo mukunde abagore banyu nkuko Kristu yakunze itorero akaryitangira (Abefeso 5.25)”.

Umwigisha w’Ijambo ry’Imana muri iki giterane, yari Pasiteri Zigirinshuti Michel umenyerewe cyane mu ivugabutumwa hirya no hino mu Rwanda yewe no hanze.

Iki giterane cyatangiye ku wa gatanu w’icyumweru dushoje kigasozwa kuri iki cyumweru cyari kigamije gushaka umubare mwinshi w’abakizwa mu byiciri byose nkuko uhagarariye abagabo kuri ADEPR Karambo yabisobanuye.

Ati “Iki giterane twateguye twagiraga ngo tubone abantu benshi bakizwa nk’abagabo bave mu byaha byo hirya no hino nk’aho Imana yadukuye, bave mu businzi, bave mu busambanyi na bo baze mu nzu y’Imana”.

Perezida w’abagabo, umudiyakoni akanaba n’umuririmbyi muri Korari Silowamu ku mudugudu wa Karambo, Cyriaque yashimiye cyane ababafashije kugira ngo igiterane bateguye nk’abagabo kigende neza, ati “Ndashimira cyane abantu badufashije tugitangira kino giterane kuko cyatangiye ku wa gatanu, gikomeza ku wa gatandatu gisozwa ku cyumweru, kandi turashimira Imana cyane yo yadufashije kugira ngo iki giterane kigere ku musozo ari amahoro, ndashimira n’ubuyobozi bw’umudugudu bwo bwabashije kutuba hafi bukatugira inama kandi ndashimira n’abantu bose basengeye kino giterane”.

Anastase ni umwe mu bateguye iki giterane akanaba umwe mu bagabo basengera ku mudugudu wa Karambo, yashimiye Imana ko igiterane cyabo cyagenze neza ndetse atibagiwe n’ubuyobozi bwite bwa Leta bwabafashije yewe n’abandi bose bagize uruhare ngo igiterane kibe.

Ati “Turashimira Imana aho igiterane cyacu kigeze, twagiteguye ari icy’iminsi itatu tubona kigoye ariko turashimira Imana kubw’uyu munsi kuko Korari Yerusalemu yadufashije gususurutsa kino giterane kandi Imana yayikoresheje iby’ubutwari. Turashimira ubuyobozi bwite bwa Leta bwatubaye hafi bukadufasha, turashimira ubuyobozi bw’itorero, turashimira ubuyobozi bw’amakorari yadufashije muri iki giterane, turashimira kandi n’abakirisitu muri rusange batubaye hafi bakanadutera inkunga y’ibitekerezo n’iy’ubushobozi kugira ngo bigende neza.”





Tanga igitekerezo kuri iyi nkuru



Igitekerezo
-xxxx- Kuya 20-05-2019

Jye nabonye nabo ataribo babyitekerereje ahubwo n’umwuka wabayoboye PE (bible ivugako abayoborwa n’umwuka aribo bana b’lmana)hari na choral jeluzalem yaraturirimbiye twumvamo ubutumwa bwiza’ex.nkindirimbo (iherezo ry’umunyabyaha)twese twihannye bundi bushya

Theogene uwumuremyi Kuya 20-05-2019

Imana ibahe umugisha nukuri najye narimpari numva ndushijeho hukomera muburyo bwumwuka

Theogene uwumuremyi Kuya 20-05-2019

Imana ibahe umugisha nukuri najye narimpari numva ndushijeho hukomera muburyo bwumwuka