Rev.Pasiteri Uciyimihigo Xavier yasize abakristo amavuta yo kubahuza  n’umuntu w’akamaro  mu buzima bwabo

Rev.Pasiteri Uciyimihigo Xavier asengera amavuta yasize abakristo

Kuri iki Cyumweru Tariki 12 Ugushyingo 2017 ,mu Itorero Umurage w’Abera Silowamu amateraniro yatangiye aho abayitabiriye babifashijwemo n’itsinda ryo kuramya no guhimbaza bakomeje kunezererwa mu ndirimbo zitandukanye ariko nako buri wese asaba Imana gukora neza icyo yahamagariwe.

Muri izi ndirimbo bakaba bakomeje gushimangira uko bazakomeza guhamya Imana ndetse n’uburyo bazayiramya uko bikwiye.

Iri Torero riherereye ku kinamba ahazwi nko kwa Gakire riyobowe na Rev Pasiteri Uciyimihigo Xavier ubu bamwe mu bakristo bazindukiye munzu y’Imana bari guhimbaza Imana mu ndirimbo zirikubafasha aho buri wese ari kwiyegereza Imana mu buryo bwe.

Saa tatu n’iminota 30 : Abitabiriye aya materaniro bateruye Indirimbo bashimira Imana,

Saa Yine zuzuye :Habaye igikorwa cyo kwakira abashyitsi aho Rev.Pasiteri Uciyimihigo Xavier yabifurije ikaze anibutsa abitabiriye aya materaniro ko iyo Imana igiye gukorera umuntu ibintu bikomeye imunyuza ahantu hakomeye.

Saa Yine n’Iminota 18 :Korali Siyoni ahanini igizwe n’urubyiruko mu ndirimbo zayo irashimangira ko Yesu ibibazo byananiranye byose azabikora.

JPEG - 160.3 ko
Abagize Korali Siyoni bibabutsa abitabiriye aya materaniro ko abategereje Uwiteka bagomba guhora biteguye

Indirimbo za Korali Siyoni zikaba zibutsaga ko umuntu wese wizera Imana nta kintu agomba gutinya kuko imuzi akiri urusoro mu nda ya nyina.

JPEG - 160.7 ko
Bateze amatwi ubutumwa buri mu ndirimbo za Korali Siyoni

Saa Yine n’Iminota 40:Nibwo hatangiye igikorwa cyo gutura ituro ryo gushimana Imana aho Pasiteri Uciyimihigo Xavier yifashishijwe ijambo ry’Imana riboneka mu Kuva 29-7 hagira hati’’Maze wende amavuta yo gusīga uyamusuke mu mutwe, uyamusīge.’’ Yibukije abitabiriye aya materaniro ko buri wese afite amavuta agomba gusigwa bityo ko bidakwiye kuba hari abayashakira mu nzira zitarizo.

Muri iki gikorwa Rev.Pasiteri Uciyimihigo Xavier akaba yasize abantu amavuta yo kubahuza n’abantu b’ingirakamaro mu buzima bwabo.

JPEG - 119.4 ko
Batanze amaturo y’ishimwe banasigwa amavuta yo kubahuza n’umuntu w’akamaro mu buzima bwabo

Saa Tanu n’Iminota 20 : Korali Umurage w’Abera yaje mu ndirimbo zishimangira ubuhangange bw’Uwiteka.

Bati’’ Iyo Mana yacu irakomeye ntawayiringiye ngo akorwe n’Isoni’’

JPEG - 143 ko
Korali Umurage w’Abera bashimangira ko Imana ari iyo kwizerwa

Saa Tanu n’Iminota 54 : Gahunda yo gutanga amaturo n’icya Cumi

Saa Sita n’iminota 3 : Gatabazi Mechack wahanuye Jenoside yo muri Mata 1994, yatangiye kubwiriza abitabiriye aya materaniro abahamiriza imirimo ya Yesu.

Nyuma yo gutanga ubuhamya aganisha ku kamaro ko gutanga no kugira ubuntu, abitabiriye aya materaniro bitangiye umurimo w’Imana.

JPEG - 122.7 ko
Gatabazi Mechack avuga uko yatangiye guhamya Yesu akiri muto mu 1978
JPEG - 140.8 ko
Rev.Pasiteri Uciyimihigo Xavier n’umufasha we bateze amatwi umuhanuzi, Gatabazi

Saa Saba n’Iminota 50 : Rev.Pasiteri Uciyimihigo Xavier yasengeye abitabiriye aya materaniro.

Nyuma yo gusengera benshi ndetse bamwe bagakira indwara zari zarababayeho akarande, Saa Mumani n’Iminota 23 nibwo Rev.Pasiteri yasoje amateraniro.

Niba wifuza ko Pasiteri Uciyimihigo Xavier yagusengera cyangwa ubundi bufasha butandukanye ,muhamagare kuri 0788298348.



Tanga igitekerezo kuri iyi nkuru



Igitekerezo
Uwase immaculee Kuya 12-11-2017

Bagira worshipteam ? nimba ihari mwashyizeho amafoto yabo tukabareba

Uwase immaculee Kuya 12-11-2017

Amen kubwayo magambo ahumuri umutima nsubijwemo imbaraga