Mu Itorero Umurage  w’Abera  Silowamu  ibintu byakomeye,umudiho ni wose

Saa Tatu z’igitondo kuri iki Cyumweru tariki 3 Ukuboza 2017 , nibwo amateraniro yatangiye mu Itorero Umurage w’Abera Silowamu aho yatangijwe n’umudiho udasanzwe n’indirimo zihimbaza Imana nta kurya indimi.


Rev.Pasiteri Uciyimihigo Xavier n’umufasha we

Abitabiriye aya materaniro babifashijwemo n’itsinda ryo kuramya no guhimbaza baririmbye indirimbo zitandukanye bacinya akadiho buri wese uko ashoboye ari nako bashimangira gukomera kw’Imana n’ineza igirira abantu bayo.


Mu indirimbo zirimo umudiho bakaba bashimiye Imana ibyiza yabakoreye ndetse n’uburyo ikomeje kubarinda.

JPEG - 118.4 ko
Rev.Pasiteri Uciyimihigo Xavier akurikiranye uburyo abakristo bacinya akadiho bahimbaza Imana

Saa Tatu n’Iminota 45 Nyuma yo kuramya Imana no guhimbaza , hakurikiyeho umwanya wo kwakirana no kwakira abashyitsi.

Saa Yine Korali Umurage w’Abera yaririmbye indirimbo zirimo amagambo y’ihumure mu rwego rwo kwakira abashyitsi. Ari nako akanyamuneza kagaragara ku maso ya buri wese.

Saa Tanu Hakurikiyeho gahunda yo gutanga ituro ryo gushima Imana aho uwazaga gutura wese Rev.Pasiteri Uciyimihigo Xavier apfukamye yamukoraga mu kiganza akamwaturiraho amagambo agira ati’’ Imana igukijije inyatsi’’

Saa Tanu n’Iminota 27 Rev.Pasiteri Uciyimihigo Xavier yagejeje ijambo ry’Imana ku bitabiriye aya materaniro yifashishija amagambo aboneka muri Mariko 14:3-9 hagira hari’’

3.Ubwo Yesu yari i Betaniya mu nzu ya Simoni umubembe yicaye arya, haza umukobwa ufite umukondo w’amavuta meza y’igiciro cyinshi cyane, ameze nk’amadahano y’agati kitwa narada, nuko amena umukondo amavuta ayamusuka ku mutwe.

4.Bamwe muri bo bararakara bati “Aya mavuta apfushirijwe iki ubusa,

5.ko yajyaga kugurwa idenariyo zisaga magana atatu zigahabwa abakene ?” Baramwivovotera.

6.Ariko Yesu arababwira ati “Nimumureke ! Muramuterera iki agahinda ko angiriye neza cyane ?

7.Abakene bo muba muri kumwe na bo iteka, kandi aho mwashakira mwabagirira neza, ariko jyeweho ntituzahorana iteka.
8.Akoze uko ashoboye, abanje kunsiga amavuta ku mubiri, kuwutunganiriza guhambwa.

9.Ndababwira ukuri yuko aho ubutumwa bwiza buzigishirizwa hose mu isi yose, icyo uyu mugore ankoreye kizavugirwa kugira ngo bamwibuke.”


Pasiteri Uciyimihigo yibukije abitabiriye aya materaniro ko niba bashaka gutanga bajye baha Imana ibintu byiza nta gutekenika.

Pasiteri kandi yibukije abakristo ko buri wese akeneye amavuta bityo ko kuba benshi bagerageza mu buzima bikanaga usanga nta mavuta bafite bityo ko bava mu magambo bagashaka amavuta.

Nyuma yo kubbiwiriza,Rev.Pasiteri Uciyimihigo akaba yasengeye abantu barabohoka ndetse bamwe bakira indwara zari zarababayeho akarande.

Hakurikiyeho no gutura amaturo n’icya Cumi igikorwa cyakurikiwe n’indirimbo ziryoheye amatwi za Korali Siyoni.

Saa Saba n’Iminota 31 Amateraniro yasojwe na Rev.Pasiteri Uciyimihigo wifurije abakristo amahoro n’imigisha.

JPEG - 155.6 ko
Korali Siyoni mu ndirimbo zishimangira ko Yesu yatsinze urupfu

Iri Torero Umurage w’Abera Silowamu riherereye ku kinamba ahazwi nko kwa Gakire riyobowe na Rev Pasiteri Uciyimihigo Xavier.

Niba wifuza ko Pasiteri Uciyimihigo Xavier yagusengera cyangwa ubundi bufasha butandukanye ,muhamagare kuri 0788298348.



Tanga igitekerezo kuri iyi nkuru



Igitekerezo