Apôtre Gitwaza  yikomye Abanyarwanda n’Abanyafurika muri rusange

Apôtre Paul Gitwaza yavuze ko abanyarwanda ari inyanda kandi ko inzara idaterwa n’ikibazo cy’ihindagurika ry’ikirere ahubwo ko abanyarwanda n’abanyafurika muri rusange badakora usanga bari kwandikirana inyandiko zidafite icyo zivuze,ibi akaba yabitambukije mu cyigisho cyatambutse kuri radiyo ye kuri uyu wagatatu.

Mu nyigisho yatambutse ku mugoroba wo kuri uyu wagatatu Dr Paul Gitwaza ubwo yigishaga kuri Radio ye Auntantic yavuze ko Abanyafurika ari abanebwe n’abanyarwanda aho ngo usanga ingengo y’imari ibihugu bikora yibanda ku bidakenewe cyane nyamara ngo ibifite akamaro bigashyirwamo amafaranga make, avuga ko nk’ubuhinzi usanga butunze igice kinini cy’abaturage butitabwaho cyane
.
Kanda hano wumve icyo kiganiro

Yagize ati, " Abanyayisirayeri bafashe insina zo mu bugande bazijyana iwabo barazirera ubu bohereza ibitoki hanze ku isi yose uganda ntabyo yohereza, u Rwanda dufite ibitoki za Kibungo ariko ntibishobora kuduhaza natwe biterwa n’iki n’uko tudakora, twebwe nti turakorwaho na biriya navuze ( Climate change) imihindagurikire y’ikirere biracyari mu nzozi ntibiratugeraho turacyashonje nibituzaho bizagenda gute ?"

Yakomeje atanga ingero zo mu bindi bihugu aho yavuze ko i Yeriko ari igihugu cy’imikindo nibo bambere ku isi bohereza indabo za rose hanze y’igihugu cyabo kandi batuye mu butayu avuga ko twe dushobora no kuzitera aho tubonye hose zikamera nyamara bo babanza kuzuhira nibo banazohereza hanze .Ati’’mwambwira ngo iyi nzara n’ikibazo k’imihindagurikire y’ikirere cyangwa ni ubunebwe ?

Yagize ati, " Abanebwe abanebwe gusa"

Bibiliya ibivugaho iki mu gitabo cyakabiri cya Abatesaroniki ba kabiri igice cya 3:6-13 Havuga gutya :
Nuko bene Data, turabategeka mu izina ry’Umwami wacu Yesu Kristo kuzibukīra mwene Data wese ugenda yica gahunda, cyangwa udakurikiza ibibabwiriza mwahawe natwe.

Ubwanyu muzi uko mukwiriye kutwigana kuko tuticaga gahunda muri mwe,
cyangwa ngo tugire uwo turya iby’ubusa, ahubwo twagiraga umuhati n’imiruho dukora ku manywa na nijoro, kugira ngo tutagira umuntu muri mwe turemerera.
Icyakora si uko tudafite ubutware, ahubwo ni ukugira ngo tubiheho icyitegerezo ngo mugere ikirenge mu cyacu,
kuko iki ari cyo twabategetse tukiri kumwe namwe, ngo umuntu wese wanga gukora ntakarye
Twumvise yuko hariho bamwe bo muri mwe bagenda bica gahunda, batagira icyo bakora ahubwo bakaba ba kazitereyemo.

Nuko rero abameze batyo turabategeka tubihanangiririza mu Mwami Yesu Kristo, gukorana ituza ngo babone uko barya ibyokurya byabo ubwabo.
Ariko mwebweho bene Data, ntimugacogorere gukora neza.

Aya magambo yayakomojeho nyuma yo gushimangira ko abanyarwanda ari abanebwe.



Tanga igitekerezo kuri iyi nkuru



Igitekerezo
Jean Baptiste Kuya 18-11-2017

Ariko ibyo yavuze n’urugero yatanze,jye ndemeranya nawe ko ari byo.NONE SE WASOBANURA UTE UKUNTU INGENGO Y’IMARI Y’IGIHUGU YIYONGEYE,ARIKO AMAFR.AGENEWE UBUREZI,N’UBUHINZI AKAGABANWA ? Twumvise MURIGANDE ejo bundi mu nteko asobanura ibya UR