Wari uzi ko inzu Diamond yaguriye Zari nk’impano yo ku munsi w’isabukuru ye iri mu zihenze ku isi ? (Amafoto)

Umuhanzi w’icyamamare mu gihugu cya Tanzaniya ndetse no ku isi, Diamond Platnumz bisashidikanywaho ko ari umwe mu bahanzi batunze agatubutse kuri uyu mugabane wacu wa Afurika, yaguze inzu mu gihugu cya Afurika y’Epfo ku mubare w’amafaranga ataratangajwe umubare ayigurira umugore we Zari Hassan nk’impano yari yamugeneye ku munsi w’isabukuru ye, kuri ubu iyi nzu ikaba iri mu zihenze ku isi.

Nkuko ikinyamakuru TUKO cyabyanditse, mu mwaka wa 2016 nibwo Diamond Platnumz yaguriye umuryango we inzu mu gihugu cya Afurika y’Epfo mu gace bivugwa ko gatuyemo abantu batunze agatubutse gusa.

Diamond Platnumz yaguriye umugore we Zari Hassan iyi nzu nk’impano yari yamugeneye ku munsi yizihizaho isabukuru ye y’amavuko. Nyuma yo kugura iyi nzu Diamond yanditse ubutumwa ku mbuga nkoranyambaga akoresha yishongora ko nawe atunze agatubutse.

Mu butumwa yanditse yagize ati “hari abirata ko bakize nyamara ugasanga abana babo baba ahantu hadasobanutse, abantukira ku mbuga nkoranyambaga bavuga ko nkennye ngaho nibagende bagure inzu nziza bashyiremo abana babo nabo babe mu buzima bwiza”.

Nubwo Diamond yaguze iyi nzu, ntarabona umwanya uhagije wo kuyicaranamo n’umugore we n’umwana wabo kuva ubwo Zari ayimukiyemo.

Amafoto y’iyi nzu agaragaza ko ari imwe mu nzu zikaze ku isi. Iyi nzu kandi ifite na piscine. Umubavu.com twabahitiyemo amafoto agaragaza ubwiza bw’iyi nzu ya Diamond.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo