USA: Umujyi wa Green Bank ntiwemerewe gukoreshwamo Telefoni za Smartphones na WI-FI

Muri iki gihe hirya no hino ku isi hakoreshwa Telefone zigezweho za Smartphones na Internet idakoresha insinga Wireless cyangwa WI-FI ariko burya ikoreshwa ry’iri koranabuhanga rigomba kugira amategeko n’amabwiriza bitewe n’aho rikoreshwa kimwe nuko rishobora kubuzwa gukoreshwa ahantu runaka bitewe n’impamvu runaka. Mu mugi muto wo muri Leta Zunze Ubumwe za Amerika witwa Green Bank abahatuye bo ntibemerewe kubikoresha ndetse n’amaziko ya Micro-ondes cyangwa Micro-waves.

Learn how to Thrive

Impamvu y’ibi byose nta yindi ni uko muri uyu mujyi utuwe n’abaturage 143 gusa ariho hari Radio Telescope ya mbere mu bunini ku isi nzima yitwa Green Bank Telescope (GBT).

Radio telescope ni igikoresho cyifashishwa n’abahanga mu bumenyi mu rwego rwo gukurura cyangwa kwakira imirasire igizwe n’amashanyarazi rukuruzi(Electro-magnetic waves) yoherezwa n’ibintu bitandukanye biba mu kirere urugero twafata ni Inyenyeri.

GBT ifite uburebure bwa metero 148 kandi ikagira antenne nini ku buryo wayiramburaho ikibuga cy’umupira w’amaguru bikangana,icungwa n’ikigo cyitwa National Radio Astronomy Observatory (NRAO) ikaba ishobora gukurura amajwi ari mu birometero hafi 130,000,000,000 uvuye aho iri.

Ibi bikorwa by’ubushakashatsi byo ku rwego rwo hejuru bikorerwa muri aka gace nibyo bituma abatuye mu mugi wa Green Bank batemererwa gukoresha ibikoresho bishobora kwivanga mu byo GBT igenewe kwakira, Ndetse na Police yo muri aka gace ihora izenguruka mu mihanda igenzura ko nta mbaraga zirenze izemewe ziri guturuka mu mazu y’abaturage.

Abaturage bo muri Green Bank bakoresha terefone zikoresha insinga na Internet ikoresha insinga kandi ngo ntacyo bumva bibatwaye kugeza ubu.

PNG - 889 kb
Abatuye mu mujyi wa Green Bank ntibemerewe gukoreshamo Telefoni za SmartPhones na Internet idakoresha insinga Wireless cyangwa WI-FI
PNG - 524.5 kb
Ibikorwa by’ubushakashatsi byo ku rwego rwo hejuru bikorerwa muri aka gace nibyo bituma abatuye mu mugi wa Green Bank batemererwa gukoresha ibikoresho bishobora kwivanga mu byo GBT igenewe kwakira

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo