U Buyapani: Hagiye kwifashishwa indege zitagira abapilote mu gucyura abakozi barenza amasaha y’akazi

Ikompanyi y’indege yo mu Buyapani yitwa Taisei iteganya gukoresha indege zitagira umupilote mu kwirukana abakozi badataha barimo bakora mu gihe amasaha y’akazi ategekanijwe aba yarenze.

Biteganywa ko izo ndege zizajya ziguruka zikagera aho abakozi b’iyo kompanyi ya Taisei bicaye zibavugirize umuziki kugira ngo bahagarike akazi.

PNG - 446.6 kb
Iyi kompanyi ya Taisei iteganya kugerageza ubu buhanga bushya mu kwezi kwa kane umwaka utaha


Izo ndege zidasanzwe zizajya zivuza umuziki udasanzwe wa Auld Lang Syne isanzwe ivuzwa kenshi mu gutangaza ko amaduka n’ibiro byufunze/byahagaritse akazi.

Igihugu cy’u Buyapani kimaze igihe gihanganye n’ikibazo cy’abakozi bakora akazi bakarenza urugero, bigira ingaruka mbi ku buzima bw’abakozi kugera aho rimwe na rimwe bamwe babura ubuzima.

Benshi mu bahanga ntibakiriye neza iyi ngingo ya Taisei bavuga ko umuntu yakagombye kugeza igihe ashakiye mu gihe yumva abishoboye.

Amakutru atangazwa n’ibinyamakuru byo mu Buyapani bivuga ko iyo kompanyi isanzwe ishinzwe ibyerekeye umutekano n’isuku, izakoresha indege zakozwe n’ikompanyi y’indege zitagira umupilote ya Blue Innovation zizakoresha ubuhanga bw’ikompanyi yo gutumatumanaho amakuru ya NTT East.

PNG - 868.9 kb
Abakozi bo mu Buyapani bazwiho gukora akazi bakarenza amasaha agenwe


Izo ndege zizaba zifite kamera kandi zizunguruka mu biro ziririmbira abakozi basigaye ku kazi iyo ndirimbo.

Ikompanyi ya Taisei itegekanya gutangira kugerageza uwo mugambi mu kwezi kwa kane mu 2018. Mu gihe bazabona iri koranabuhanga ryabo rifite akarusho, bazahita batangira kurigurisha mu bindi bihugu bitandukanye ku isi.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo