Mu myaka iri imbere dushobora kuzisanga nta n’umwe ugira akazi kubera ikoreshwa rya Robots

Turi mu isi yihuta kandi igenda ihindagurika uko bukeye nuko bwije, iterambere ry’ikoranabuhanga nabyo birihuta ku muvuduko bitigeze kubaho kuva isi yaremwa bituma igenda irushaho kugira ikoranabuhanga rihambaye ariko kandi ari nako hagenda hagaragara impinduka mu mibereho ya muntu ndetse bikaba binagaragara ko iri koranabuhaga rizateza ikibazo gikomeye cy’ibura ry’akazi ku bantu amamiliyoni kubera ko akenshi kazajya gakorwa n’amarobo (Robots, imashini zikora nk’abantu).

Ubushakashatsi buheruka gukorwa bwagaragaje ko mu myaka 13 (muri 20130) iri imbere abantu basaga Miliyoni 800 bazaba baratakaje akazi kabo aho kazaba gakorwa n’amamashini.

Ubu bushakashatsi bwagaragaje ko imwe mu mirimo izajya ikorwa n’ama mashini imyinshi ari imirimo isaba imbaraga nko gukora mu busitani (Jardin), kurera abana, gutegura amafunguro, kubaka n’ibindi bitandukanye.

PNG - 595.7 kb
Mu myaka iri imbere dushobora kuzisanga nta kazi tukigira ahubwo gakorwa na Robots twicaye


Ubu bushakashatsi bwakozwe na McKinsey bugaragaza ko abagera kuri 60% ku isi bazatakaza akazi kubera ikoranabuhanga, ku buryo abari hagati ya Miliyoni 400 na 800 bazahita batakaza akazi.

Abantu baraburirwa gutangira kwihangira imirimo ngo kuko muri 2030 hazaba hariho impinduka zikomeye. Iyi raporo ivuga ko abantu bagomba kwiga cyane ndetse bakarushaho gukora ubushakashatsi buhambaye bwabafasha kuvumbura no guhanga imirimo mishya ku isi.

Muri ubu bushakashatsi kandi hagaragajwe ko abantu bari hagati ya Miliyoni 75 na miliyoni 375 bakeneye kongera kwiga ndetse bagakora ubushakashatsi ku buryo bwo kwihangira umurimo.

U Bushinwa ni kimwe mu bihugu bizahura n’iki kibazo cyo kugwiza abantu benshi bazakaza akazi mu myaka 13 iri imbere kubera iterambere riri kwihuta muri iki gihugu, aho abantu bagera kuri Miliyoni 100 bakora akazi k’imbaraga nko mu nganda n’ahandi bashobora kuzatakaza akazi byihuse.

Ibi kandi binagaragarira mu rugero rwa hafi rugaragara mu Bushinwa, aho mu myaka 25 ishize abaturage bagera kuri Miliyoni 10 b’abahinzi babuze akazi kubera imashini zisigaye zibyikorera.

Iyi raporo kandi yagaragaje ko ibihugu bizagira ingaruka yo kugira abaturage benshi bazatakaza akazi kubera ikoranabuhanga harimo; u Bushinwa, Amerika, u Budage, u Buyapani n’ibindi bihugu bitandukanye.

Ibikubiye muri iyi raporo biraburira byimazeyo abantu bakora imirimo y’amaboko, isaba imbaraga ko bashaka uburyo batangira guhindura imirimo cyangwa kwagura ubumenyi ku buryo impinduka zizaza bariteganyirije indi mirimo.

PNG - 732.6 kb
Umuvuduko ikoranabuhanga ririho ushobora kuzateza ingorane ku buzima bwa muntu

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo