Menya byinshi Ku isambusa zikoze mu mureti n’icyayi unywa ukabira ibyuya umubiri wose kitemerewe umugore uri mu mihango

Mu imurikagurisha n’imurika bikorwa riri kubera mu karere ka Rusizi, omusa company ltd iri gukora isambusa zikoze mu mureti n’icyayi kirimo tangawize, bamwe mu banyarusizi barabivuga imyato aho bari kuvuga ko ari ko gashya karimo iki cyayi akaba ntamukobwa wemerewe kukinywa ari mu mihango n’umugore utwite.

Kuva ku itariki ya 1/12/2017 mu karere ka Rusizi mu ntara y’Iburengerazuba hatangiye imurikagurisha n’imurikabikorwa mpuzamahanga, bamwe mubaryitabiriye baravuga ko ntakandi gashya babonyemo atari isambusa zikoze mu mureti n’icyayi abantu bari kunywa bakabira ibyuya ngo iki cyayi kiri gutuma amaraso yabo atembera neza nkuko Karimu umwe mubo twaganiriye abivuga.

Yagize ati, "iki cyayi kirarenze pe uziko nakinyoye nkumva umubiri wose amaraso aratembera neza, ndimo nzenguruka nibwo nasanze hari abantu bari gukora isambusa ariko kuko hari hakonje nahise ngura icyayi banshirira mu gakombe nako kantangaje banabwira ko ngatwara ; urumva nawe sinari kukinywa nafatishije ikindi numvaga shyaka, nahise ngura isambusa nyiriye numva nayo ntisanzwe mpita ntungurwa n’uko nasanzemo umureti mu gihe narimenyereye izirimo inyama."

Callixte umwe mubatunganya iki cyayi n’isambusa yabwiye umunyamakuru w’ umubavu ko iki cyayi ari ingirakamaro cyane ku bantu bashaka kunanuka n’abafite isukari nyishyi kuko kiyishyira ku murongo.

Yagize ati, "iki cyayi nikiza kuko kiba kirimo tangawize ihagije kandi muri tangawize harimo ubushobozi bwa kunanura umuntu ndetse ikaba inatuma amaraso atembera neza mu umubiri bityo abantu bafite umubyibuho ukabije bakwiye kukinywa kugirango bagabanye umubyibuho ukabije."

Yakomeje agira inama abakobwa bari mu mihango n’ababyeyi batwite ko atari byiza kukinywa kuko gituma amaraso yihuta bityo bikaba byabakururira ibyago.

Aho iyi company iri gukorera ibikorwa byayo
Iyi expo yatangiye Ku itariki yambere z’uku kwezi izarangira ku itariki ya 11 z’uku kwezi kwa cumi nabiri aho yitabiriwe n’abanyamahanga batandukanye ndetse n’abaturutse mu bice bitandukanye by’igihugu, iyi company ikora izi isambusa n’iki cyayi ndetse n’ibyo kurya bitandukanye birimo na brochette ikaba yaraturutse mu mujyi wa Kigali arinaho ikorera.

Nuru Peter Kifunta Numwe mubitabiriye imurika gurisha n’imurikabikorwa aturutse mu guhugu cya Tanzaniya ufite compony yitwa Kifunta Fashon icuruza imyenda yabagore n’abagabo +255712773250

Abayobozi b’akarere ka Rusizi bari kurifungura ku mugaragaro

Umubavu.com/Kamikazi Aline



Tanga igitekerezo kuri iyi nkuru



Igitekerezo
Will mike Kuya 7-12-2017

Muturangire iyo company aho ukorera na contact zabo