Afurika y’Epfo : Ku myaka 11 y’amavuko gusa ni umwanditsi w’ibitabo

Amr Salie wo mu gihugu cya Afurika y’Epfo ku myaka ye 11 y’amavuko gusa kuri ubu ni musomyi akaba n’umwanditsi w’ibitabo aho kuri ubu amaze kwandika ibitabo bibiri bishobora no kuboneka kuri interineti.

Mu gihe abandi bana bari mu kigero kimwe n’icya Amr Salie baba batangira guukinisha bimwe mu bikinisho by’abana, uyu we umwanya we wose awuharira gusoma no kwandika ibitabo nyamara ngo anafite uburwayi mu mubiri we bwakamubujije gukomeza intumbero ye ariko akaba adakangwa nabwo ahubwo arushaho gukora cyane.

Uyu mwana w’imyaka 11 ukomoka mu gace ka Macassar ngo kuri ubu yamaze gushyira ahagaragara igitabo cye yise “Blameless” nyuma y’igihe kingana n’umwaka wose agitegura neza. Umuntu yakwibaza iki gitabo kivuga ku biki.

Iki gitabo uyu mwana yise “Blameless”, kivuga ku munyarubuga (Character) witwa Tyler Reese ngo wumva mu mutwe we ko yakora buri kimwe cyose ari uko ahagazwe hejuru bityo Amr Salie akaba yaramwanditseho avuga ko iyi myumvire ye yakagombye guhinduka.

PNG - 584.3 ko
Amr Salie w’imyaka 11 wandika ibitabo


Amr Salie ngo afite uburwayi mu mubiri we nkuko ikinyamakuru TUKO cyabyanditse ngo butuma adakoresha ubwonko cyane binatuma ataha mbere y’isaha abandi banyeshuri bigana batahira ariko ngo we bikaba bitamubuza gufata umwanya we asoma ibitabo ndetse anabyandika.

Uyu mwana afite ubumenyi buhagije mu bijyanye n’iyandika ry’ibitabo ndetse no kubiha amashusho atuma bigaragara neza akaba anabifitiye impapuro z’ishimwe yagiye abonera mu bigo bitandukanye nubwo umuntu yakwibaza igihe uyu mwana yagiye abonera aya mashimwe hagendewe ku myaka afite.

Nubwo Amr Salie asanzwe azwiho kumenya imibare ndetse n’andi masomo ya siyansi, intumbero ye nyirizina ni ukwandika ibitabo ndetse no kubisoma.

Maryam ubyara uyu mwana avuga ko nubwo ari we umubyara ari umufana we ukomeye hakiyongeraho n’inshingano ze nk’umubyeyi zo kumufasha muri byose. Maryam buri gihe ashishikariza umwana we gukora cyane ku buryo azandika n’ibindi bitabo byinshi.

Kuri ubu Amr Salie amaze kwandika ibitabo 2 ngo akaba afite n’ibindi bigitunganywa nabyo bizashyirwa hanze vuba. Amr Salie kandi ngo ibitabo bye bishobora kuboneka ku rubuga rwa Amazone.com ruzwiho kubarizwaho ibitabo bitandukanye.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo