Abashakashatsi bavumbuye ko hari ibiremwa bibana natwe ku isi rwihishwa tutabizi

Abashakashatsi bo muri Kaminuza ya Oxford biga ku buzima bw’ibiremwa bituye mu isanzure bakoze ubushakashatsi basanga hari ibiremwa bitabonwa n’ikiremwamuntu nyamara bibana natwe tutabizi mu buryo bwa rwihishwa. Ibi biremwa abahanga bise “aliens” mu ndimi z’amahanga ngo nabyo bishobora kugira ishusho nk’iyacu ndetse bikanareba nkatwe.

Ku nshuro yabo ya mbere aba bashakashatsi bo muri Kaminuza ya Oxford, bagaragaje ko ibi biremwa tubana nabyo tutabizi bishobora guturuka mu bintu bimwe na bimwe tubona ku isi by’umwihariko nk’inyamaswa aho uko igihe kigenda gishira inyamaswa ishobora kugenda yihinduranya bikazarangira ivuyemo ikiremwa gifite ishusho nk’iy’umuntu ndetse kinitwara nkawe.

PNG - 800.9 ko
Ishusho y’ijisho y’ibi biremwa isa nk’iy’umuntu


Aba bashashakashatsi bavuga ko uko ibihe bigenda bisimburana ibi biremwa bigenda byihinduranya gake gake bikaba bishobora kubyara ikindi kiremwa gifite ishusho nk’iy’umuntu giturutse mu biremwa tubana nabyo. Iki kiremwa gusa biragoranye ko umuntu wese yakibonesha ijisho.

PNG - 620 ko
Uru ni urugero rwa kimwe mu biremwa nacyo kiba mu isanzure ubusdhakashatsi bwabonye


Mr Sam Levin uyoboye ubu bushakashatsi yavuze ko nk’abashashatsi biga ku mibereho y’ibiremwa biba mu isanzure, bafite umukoro wo gutekereza ndetse no kumenya nyirizina buryo ubuzima bw’ibi biremwa biba mu isanzure bwihishwa bumeze. Mr Sam Levin yavuze kandi ko bigoranye ko umuntu yahita avuga ishusho nyirizina y’ibi biremwa ariko ngo gusa bakaba bafite amakuru ko mu isanzure harimo ibiremwa bindi bitari ikiremwamuntu.

Uyu mugabo ukuriye ubu bushakashatsi yakomeje avuga ko mu kwemeza ko hari ibindi biremwa mu isanzure bitari umuntu, bashingiye ku bushakashatsi bakoze mu bijyanye n’ibinyabuzima, ubutabire, mekanike ndetse n’ubugenge.

Yagize ati “nyuma yo gukora ubushakashatsi ku ihindagurika ry’ibiremwa bimwe na bimwe ndetse n’ibimera uko bigenda bihinduka bikabyara ibindi bintu bitandukanye n’ibya mbere, twasanze hariho ibindi biremwa”.

Ubu bushakashatsi kandi bwagaragaje ko ibi biremwa bihumeka umwuka utameze nk’uw’abantu bahumeka, aha bavuze ko bishobora nko gukoresha Nitrogen mu gihe twebwe abantu dusanzwe dukoresha Oxygen mu buzima bwacu bwa buri munsi.

Aya mashusho arerekana uburyo ibi bimera byagiye bihindagurika bibyara ibindi bintu bisa nk’ibiremwa bifite ubuzima
Ibi biremwa bishobora kubaho nyuma yuko habayeho kubora kw’ibimera bimwe bikagenda bihindura ishusho biva ku rwego rumwe bijya ku rundi bikaba byarangira bivuyemo ikiremwa gisa nk’umuntu ndetse kitwara nkawe mu buryo butandukanye. Ubu bushakashatsi buracyakomeje ngo hamenyekane by’ukuri iby’ubuzima bw’ibi biremwa bibana n’ikiremwamuntu mu buryo bwa rwihishwa.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
joseph Kuya 1er-11-2017

ni danger