Nyuma y’imyaka irenga 300 apfuye atwitswe, abahanga bongeye guteranya umubiri we

Mu myaka irenga 300 apfuye, Lilias Adie wo mu gihugu cya Scotland mu gace ka Torryburn abahanga bakomeye mu bugeni bo muri kigo cyitwa Centre for Anatomy and Human Identification muri Kaminuza yitwa University of Dundee, bongeye gukora ishusho ye nyirizina batitaye ko yapfuye mu myaka ya 1704 (imyaka irenga 300 ishize) apfiriye muri gereza aho yari yafungiwe azira kwivugana abantu abaroze ndetse no gusambana n’amadayimoni.

Nyuma yo gupfa Lilias Adie, umubiri we waratwitswe ibisigazwa byawo bishyingurwa hagati y’ibitare mu gihugu cye cya Scotland mu gace ka Torryburn ari naho abahanga baje kubikura nyuma y’imyaka irenga 300 yose bakabijyana muri Laboratoire y’ikigo cya Centre for Anatomy and Human Identification aho bongeye gukora ishusho nyirizina ya Lilias Adie.

PNG - 235.1 ko
Iyi ni isura nshya ya Lilias Adie nyuma y’imyaka irenga 300 apfuye


Aba bahanga bavuga ko iki ari ikintu cyabashimishije kuva babaho nyuma y’uko bakoze iyi sura nyayo y’umuntu umaze imyaka isaga 300 apfuye kandi bafatiye ku busabusa bw’ibisigazwa by’umubiri we.

PNG - 379.5 ko
Ibi ni bimwe mu bisigazwa bafatiyeho bakora isura nyayo ya Lilias Adie nyuma y’imyaka irenga 300 apfuye


Ibi bisigazwa by’umubiri wa Lilias Adie kandi byajyanwe muri Laboratoire ya Kaminuza yitwa St Andrews University Museum yo mu gihugu cya Scotland mu gusuzuma neza igihe uyu mubiri wari umaze ushyinguwe aho basanzwe irenga imyaka 300.

Umwe mu banyamakuru ba BBC ukorera mu gihugu cya Scotland, Susan Morrison yavuze ko nyuma yo kureba iyo shusho y’uyu muntu yakozwe yamuteye ubwoba ngo kuko no kuyireba iteye ubwoba.

Inzobere mu kigo cya Centre for Anatomy and Human Identification ari nacyo cyakorewemo iyi shusho nshya y’uyu muntu, Christopher Rynn yavuze ko mu kongera gukora isura nyirizina ya Lilias Adie bakoresheje uburyo bita “the-art 3D virtual sculpture”.Ati “ mu gukora iyi sura nshya y’uyu muntu mu by’ukuri umaze imyaka itari mike apfuye, twahereye mu gukora umubiri mushya ku buryo nyuma rwose wamurebaga ukabona ari we nyirizina bityo natwe bikaba byaradushimishije cyane”.

Umunyamakuru yabajije Dr. Christopher Rynn niba bakurikije amateka ya Lilias Adie bitarabateye ubwoba gufata ibisigazwa bye ndetse no kurema ishusho ye, yasubije ko nta bwoba na buke byigeze bibatera ngo agendeye ko hashize igihe kinini apfuye.
Nyuma yo gukorwa kw’isura nshya ya Lilias Adie, yahise ishyirwa mu nzu ndangamurage y’igihugu “National Library of Scotland”.

Lilias Adie yapfiriye muri gereza yo mu gace ka Torryburn mu mwaka wa 1704, apfira muri gereza nyuma yuko yari yafunzwe azira kwica abantu abaroze ndetse akanakekwaho gusambanya amadayimoni. Nyuma umubiri we waratwitswe ibisigazwa byawo bishyingurwa hagati y’ibitare mu gace ka Torryburn.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Mugisha Kuya 31-10-2017

Andika Igitekerezo Hanno nonese ubwo yazutse yavutse habaye iki mwe mumenyere ibyikigihe ?

Mugisha Kuya 31-10-2017

Andika Igitekerezo Hanno nonese ubwo yazutse yavutse habaye iki mwe mumenyere ibyikigihe ?