Kigali : Uwahoze ari umukunzi wa Safi, Umutesi Parfine yaramwandagaje karahava

Umutesi Parfine, wahoze ari umukunzi wa Safi Madiba nyuma yuko uyu muhanzi yambikanye impeta y’ubutazatandukana na Niyonizera Judith, yandagajwe bikomeye n’uyu wahoze ari umukunzi we ndetse anatega iminsi urugo rwe avuga ko yaguzwe amafaranga kugira ngo ashyingiranwe n’uyu mukunzi we mushya.

Nkuko yabinyujije ku mbuga nkoranyambaga mu ijwi rye ryuzuye uburakari bwinshi, Parfine wakundanye na Safi imyaka igera kuri ibiri yose, yateze iminsi urugo rwa Safi ndetse anavuga ko urugo rwe rutazaramba bitewe n’imwe mu mico y’uyu muhanzi ngo azi neza.

Aya magambo ya Parfine yatangiye gusakara ahantu henshi mu masaha y’umugoroba wo kuwa kabiri tariki ya 3 Ukwakira 2017, cyane ku mbuga za Whatsapp abantu barihererekanya.

Muri iri jwi rya Parfine yabanje kuvuga ku magambo Safi yanditse kuri Instagram ye ataka umugore we Niyonizera Judith. Parfine yavuze ko Safi yanditse ayo magambo atamuvuye ku mutima ahubwo byatewe n’ukuntu yashakaga kwemeza abantu bamunengaga.

Parfine yavuze ko Safi bahoze bakundana amuziho kuba “umupfubuzi”. Mu magambo ye ati “Abahungu bigize abapfubuzi bishyize kuri cyamunara urishye menshi niwe ubegukana, nta gaciro bagifite, nta kazi bashaka bose bategereje aba Diaspora babatunga.”
Parfine ngo yasabye umwe mu banyamakuru bo mu Rwanda ikiganiro aho azaba aje kuburira aba Diaspora, ati ”Njyewe ubu maze kubwira umunyamakuru nti ’nzaza i Kigali, ndagusabye ntegurira ikiganiro njye mfite ijambo nshaka kubwira abantu, Isi yose, nshaka kubwira aba Diaspora b’abakobwa urwo bapfuye.”
Parfine yakomeje avuga ko we yagize Imana kuba abivuyemo amahoro nta ndwara abikuyemo, ngo nubwo yicuza kuba yarabisebeyemo.

Parfine w’abana babiri nawe wigeze gukundana na Safi
Parfine yakomeje anenga umugore wa Safi mu buryo bukomeye, avuga ko ajya kumenyana na Safi bahuriye i Dubai ariwe (parfine) wahamujyanye Safi.

Ati “Judith yahuye na Safi ubwo twajyaga gutembera Dubai yereka Safi ko amukunda ariko Safi akajya amuca amazi, umukobwa agumya kumwizirikaho avuga ko abizi neza ko akunda amafaranga kandi bitazamugora kumwegukana.”
Aha Parfine yanahishuye ko Niyonizera Judith yatangiye gukundana na Safi mu mwaka wa 2016 nawe bagikundana.

Umutesi Parfine kandi yavuze ko Judith ababaje ari uwo kubabarirwa, yagize ati “Ntabwo azi Safi, yamuguriye inzu, imodoka, amuha byose ! Safi azasambana yumirwe, none yamuhaye utwe twose. Ubu Safi we azaba umugabo ate umuntu akoze ubukwe nta n’atanu ye ariho ngo yerekane ko ari umugabo, ubuse umugore we azamwubaha ate ?”

Muri iryo jwi, Parfine yasoje yicuza avuga ko inzira itabwira umugenzi nawe iyo abimenya atari gukundana na Safi.

Parfine uba mu gihugu cy’Ubusuwisi yakundanye na Safi mu mwaka wa 2015, urukundo rwabo rwari umunyenga dore ko bagiye bagaragara batemberanye ahantu hatandukanye.

Isi bayitemberaga ubutitsa agatoki ku kandi bahuje urugwiro, ndetse bigeze no gupanga ubukwe ariko byaje kurangira urukundo rwabo rugize iherezo.
Parfine ubwo yari yasohokanye na Safi bagikundana
Nta mezi menshi ashize byari bimenyekanye ko Safi yatandukanye na Parfine, bivugwa ko icyo bapfuye harimo no kuba Parfine yarafashe Safi ari kumuca inyuma bigatuma batandukana.

NIYIBIKORA Safi agitandukana na UMUTESI Parfine yahise atungurana anoza umugambi wo gushyingiranwa n’undi mukobwa utari uzwi cyane witwa Niyonizera Judith, ubu bari kumwe mu kwezi kwa buki nk’umugore n’umugabo nyuma yuko bambikanye impeta ku cyumweru tariki ya 01 Ukwakira 2017.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo