Zimbabwe : Hari gutegurwa amarushanwa yo gutoranya umugabo mubi ku isura kurusha abandi

Twari dusanzwe tuzi ko henshi ku isi usanga haba amarushanwa yo gutoranya ba nyampinga (abakobwa bahiga abandi ku buranga) ariko mu gihugu cya Zimbabwe bo ngo kuri ubu bari gutegura amarushanwa yo gutoranya umugabo uhiga abandi mu kuba mubi cyane (Mr Ugly) muri uyu mwaka wa 2017. Iri rushanwa ngo rikazaba ku itariki ya 25 Ugushyingo uyu mwaka, ibi bikaba ari ku nshuro yayo ya kabiri kuko aheruka yabaye mu mwaka wa 2015.

Aya marushanwa ngo abamo guhatana gukomeye cyane hagati y’abahatanira iri kamba ryo guhiga abandi bagabo bose mu kuba mubi cyane. Nyuma ngo hatoranywa abagabo babiri babi kurusha abandi bityo aba bagatoranywamo umwe wegukana intsinzi.
Igihugu cya Zimbabwe kirategura aya marushanwa ku itariki ya 25 Ugushyingo 2017 kandi akazabera mu murwa mukuru I Harare.

David Machowa, ukuriye iri rushanwa yatangaje ko kuri iyi nshuro bamaze kubitegura nez\a ko nta kibazo na kimwe bafite bityo ko bategereje itariki amarushanwa akaba. Yagize ati “twagiriye amahirwe akomeye cyane mu irushanwa riheruka mu mwaka wa 2015 aho twabishyigikiwemo n’ibigo byinshi kandi bikomeye ku isi ndetse n’ibikoresho byose nkenerwa nta na kimwe twigeze tuburamo. Ibi byatumye iri rushanwa rimenyekana ku isi hose bityo akaba ariyo mpamvu twongeye kuritegura”.

PNG - 601.8 ko
Uyu ni Maison Sere, wegukanye intsinzi mu irushanwa riheruka ryabaye mu mwaka wa 2015


Maison Sere w’imyaka 45 y’amavuko ngo wari unasanzwe nta kazi agira, niwe wegukanye ikamba ryo kuba ari we mugabo mubi cyane kurusha abandi mu gihugu cya Zimbabwe mu mwaka wa 2015.

Uyu mugabo ngo yegukanye iyi ntsinzi nyuma yo gutsinda uwo bari bahanganye, William Masvinu mu byiciri bitatu byose. Gusa ngo nubwo uyu mugabo atari afite akazi, nyuma yo kubona ibihembo ngo nta kintu yigeze akora ngo ashake uko yasezera kutagira icyo gukora akoresheje ibihembo yahawe.

Aganira n’itangazamakuru, ushinzwe gufasha Maison Sere muri iri rushanwa, Tawanda Nyikadzanzwa yatangaje ko nyuma yuko umukiriya we atsindiye hafi asaga ibihumi magana atanu (500,000Frws), bakomeje kureba icyakorwa ngo uyu mugabo mubi yiteze imbere abikesheje isura ye mbi kurusha izindi ngo kubw’amahirwe make bakomeza kubura aho bakorera ubucuruzi.

Kuri iyi nshuro kandi ngo Maison Sere yiteguye kongera kwegukana intsinzi abishingira ko William Masvinu bari bahanganye mu irushanwa riheruka ryo mu mwaka wa 2015 n’ubundi yamutsine ku mugaragaro.

PNG - 656.3 ko
William Masvinu wari uhanganye na Maison Sere mu irushanwa riheruka muri 2015


William Masvinu ye yagize ati “Maison Sere yantsinze kuko we nta menyo agira nyamara si uko ari mubi kundusha. Muragira ngo nange nyakure kugira ngo nange kuri iyi nshuro negukane intsinzi ?”.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Uwizeye Fideli Kuya 25-10-2017

Yemwe, Maison Serve niyigumanire intsinzi nibura imyakavotatu kuko uko by agenda lose ntawe uzamuhiga ubwo butwari, en tout cas pas parmi les rwandais

Uwizeye Fideli Kuya 25-10-2017

Yemwe, Maison Serve niyigumanire intsinzi nibura imyakavotatu kuko uko by agenda lose ntawe uzamuhiga ubwo butwari, en tout cas pas parmi les rwandais

Uwizeye Fideli Kuya 25-10-2017

Yemwe, Maison Serve niyigumanire intsinzi nibura imyakavotatu kuko uko by agenda lose ntawe uzamuhiga ubwo butwari, en tout cas pas parmi les rwandais