Zari yongeye kubura intambara y’amagambo na mukeba we Hamisa Mobetto

Nubwo yatandukanye na Diamond, umwe mu bacuruzikazi bakomeye ku mugabane wa Afurika, Zari Hassan (The Boss Lady) asa nk’utaravirira umuhanzi Diamond aheruka gutangariza ko atakiri umugore we kubera akomeje kwibasira bikomeye mukeba we Hamisa Mobetto nawe wabyaranye n’uyu muhanzi.

Hari hashize igihe kitari gitoya aba bakeba badakozanyaho ariko kuri ubu Zari akaba yongeye kubura amakimbirane hagati yabo hashingiwe ku magambo yashyize kuri Snapchat ye abwira Mobetto ko nta mugabo we bwite ashobora kubona. Amakimbirane y’aba bagore ba Diamond yaherukaga ubwo Mobetto yateruraga ikibazo cy’indezo y’umwana cyaje gukemukira mu nkiko.

PNG - 1 Mb
Zari yatandukanye na Diamond ariko ntaravirira mukeba we Mobetto bahoraga bahanganye akibana n’uyu muhanzi


Abicishije kuri Snapchat ye, Zari yongeye gushotora mukeba we Mobetto ibyo abenshi bise kumujomba igikwasi ashingiye ku makuru amze iminsi acicikana avuga ko Diamond yaba ashaka kwishumbusha uyu mugore mu buryo busesuye akanamwambika impeta y’urukundo nubwo aya makuru asa nk’ayaheze mu kirere ntashyirwe mu bikorwa.
Mu magambno ye yishongora kuri mukeba we Mobetto, Zari yagize ati “ wibona ko uri mwiza kandi ukiri muto ariko hamwe n’ibyo byose ntushobora kubona umugabo wawe bwite ngo akwambike impeta y’ubutazatandukana, nuwakwemera ntiyashobora kugushyira ahabona…mukobwa ukwiye kwimenya…ivizivuzi ry’amaradiyo…ni gute umuntu aba yarabyaye akagenda gutyo gusa?”.

PNG - 694.9 kb
Zari yabwiye mukeba we Mobetto ko atabona umugabo we bwite umwambika impeta yo kubana akaramata


Zari yakomeje yishongora kuri mukeba we anamwereka ubuzima abayemo ndetse anamumenyesha ko batari ku rwego rumwe nkuko ajya abibwira benshi.

PNG - 635.5 kb
Zari ntiyaviririye mukeba we yakomeje amujomba amagambo akarishye
PNG - 678.2 kb
Zari Hassan udasiba kubwira abantu ko atari ku rwego rumwe nabo ashingiye ku butunzi bwe

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo