Zari byamwanze mu nda ahishura ko agikunda Diamond nubwo batandukanye

Nyuma yuko ku wa 14 Gashyantare 2018, umushabitsikazi Zari Hassan atangaje ko atandukanye n’umuhanzi Diamond Platnumz, iyi nkuru yakurikiwe n’amagambo menshi buri wese yivugira icyaba giteye uyu muherwekazi gufata iki cyemezo gikaze gusa kera kabaye nyiri ubwite yahishuye icyamuteye gufata uyu mwanzuro ariko kandi yongeraho ko akimukunda.

Mu mpera z’icyumweru gishize ubwo yari muri Kenya aho yari yaje mu bikorwa birimo gukangurira abagore kwirinda Kanseri ifata amabere by’umwihariko muri gahunda yiswe ‘Colour Purple Concert’ yabaye taliki ya 12 Gicurasi 2018, yatangarije Radio Classic 105 ko icyatumye asezerera Diamond ahanini ari abana be.

Mu magambo ye yagize ati “ naramukunze cyane mwese murabizi. Ushobora kugenda ugaca umukunzi wawe inyuma nk’abandi bagabo bose, ariko iyo hajemo gutesha umuntu agaciro ke cyangwa kumwandagaza biba byarenze urugero”.

Numvaga nta banga ry’urugo yewe n’urukundo rwacu rigihari. Iyo abahungu bange bakomeza kureba uburyo Diamond yitwara nabi ku mbuga nkoranyambaga kandi tubana, ntibari kuzigera bubaha abagore mu gihe bazaba barakuze.

Byatumye mfata umwanya nibaza impamvu nakomeza kwemera ibi abana bange batukwa ku mbuga nkoranyambaga. Gusa ndizera ko kuba ubu ntagifite ise wabo bizatuma mu gihe kizaza cyabo bazajya bubaha abagore. Iyo niyo mpamvu nyirizina yatumye mfata umwanzuro wo gutandukana na Diamond. Gusa sinabura kongeraho ko nkimukunda nubwo twatandukanye.

PNG - 579.4 kb
Zari avuga ko nubwo yatandukanye na Diamond akimukunda
PNG - 852.7 kb
Zari na Diamond batandukanye bafitanye abana 2

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo