Zari arashengurwa no kuba yaravutse ari igitsina gore

Ni umugore w’umuhanzi w’icyamamare, Diamond Platnumz, Zari Hassan watangaje ko kuri ubu ashengurwa no kuba yaravutse ari umugore kuko igihe cyose usanga icyo akoze kivugwaho bitandukanye n’icyo yari agambiriye gutangaza bitwaje ko ari umugore.

Hamwe na hamwe ku isi hari aho kugeza ubu usanga bataramenya ko umugore ari umuntu nk’undi ndetse nawe ushoboye gukora ibintu byose. By’umwihariko ku mugabane wa Asia hari ibihugu bifata abagore nk’aho nta kintu bashoboye bityo bakimwa uburenganzira bwabo burimo nko gutwara imodoka, kubaka, gutembera, gufata ijambo mu ruhame, kuyobora n’ibindi.

Kimwe n’abandi bantu benshi banenga uburyo umuntu w’igitsina gore hamwe na hamwe adahabwa uburenganzira bwe, Zari Hassan nawe ntiyumva ukuntu umuntu w’igitsina gore adakwiye guhabwa agaciro mu byo akora, kuko igihe cyose ugiranye ikibazo n’umugabo ntibitaho ngo ninde wakoze ikosa cyangwa se ni nde watangije amahane ahubwo bahita bavuga ko umugore yananiranye.

Nkuko ikinyamakuru New Vision dukesha iyi nkuru kibivuga, uyu mugore w’umuhanzi ukomeye muri Tanzania atewe ipfunwe no kuba yaravutse ari umugore kuko ntacyo akora ngo gishimwe.

Zari Hassan yagize ati,”Nibaza niba umugore atagomba kuvuga, kuko icyo umugore avuze cyose kigaragara nabi mu bandi, iyo ntonganye n’umugabo ntibatekereza ko ashobora kuba ari we wateje ikibazo ahubwo bamfata nk’aho ndi umugore wananiye umugabo”

Akomeza agira ati,”Iyo umugabo antutse, cyangwa akankubita bumva ko ntagomba kurakara, iyo ndakaye babifata nkaho nananiranye ndetse nta kinyabupfura mfite”
yongeyeho ko iyo umugabo cyangwa inshuti ye y’umuhungu imuciye inyuma, asabwa gutuza akamubabarira kuko ari umugore, ese kuba umugore bimbuza kuba ikiremwamuntu? Ariko njye ndamutse muciye inyuma nitwa indaya, ishyano,….. kubera iki?

Ndambiwe kuba umugore,, aho bavuga ko uri umugore mwiza igihe uteka neza, ugasukura mu rugo, ukamesera umugabo, kuki ibi byose bitakorwa n’umugabo?
Yunzemo ati,”Umugabo w’imyaka 28 bamuha Company ngo ayiyobore bakamwita umuhanga ndetse ko ari intyoza mu byo akora ariko ku mugore ntibishoboka”

Zari Hassan mu minsi ishize byavugwaga ko yatandukanye n’umugabo we Diamond Platnumz kubera ko uyu mugabo yamucaga inyuma ndetse akaza no kwemera ko yabyaranye n’umunyamideli wo muri Tanzania, Mobetto.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo