Wema Sepetu wigeze gufatanwa umutekero w’urumogi yongeye kwitaba urukiko

Kuri uyu wa kane tariki ya 08 Gashyantare 2018, Wema Sepetu wabaye icyamamare biturutse mu gukina muri filime zitandukanye ndetse no kuba yarigeze kugacishaho na Diamond, yongeye kwitaba urukiko ngo ahatwe ibibazo ku mikoreshereze y’ibiyobyabwenge ashinjwa.

Wema Sepetu yakunze gutumizwa mu nkiko rimwe na rimwe abunganizi be bakagenda bamutenguha ariko uyu munsi noneho yahisemo kubahindura azana n’undi mwunganizi mushya witwa Albert Msando kugira ngo amwunganire mu rubanza rwe.

Mu gihe twari dusanzwe tumenyereye ko yajyanaga n’umunyamategeko we Peter Kitabala, uyu munsi ubwo yitabaga inkiko n’ubundi ku kibazo yakunze kuregwa cyo gukoresha ibiyobyabwenge, yagaragaye ari kumwe n’umunyamategeko mushya.

PNG - 794.9 kb
Wema Sepetu n’umunyamategeko we mushya Albert Msando berekeza mu rukiko

PNG - 711.6 kb
Abantu batandukanye nabo berekezaga mu cyumba cy’urukiko kumva urubanza rwa Wema Sepetu


Wema Sepetu kuri ubu uzwi nk’umwamikazi wa Instagram akaba yaranabaye Nyampinga wa Tanzaniya mu mwaka wa 2006, uyu munsi yagaragaye mu rukiko rwa Kisutu ari kumwe n’umunyamategeko we mushya witwa Albert Msando aho bari baje kumva ikibazo cye kimaze igihe kitararangira mu gihe ibindi bibazo nk’ibi by’ibyamamare bagenzi be byo byamaze kurangizwa.

PNG - 689.7 kb
Wema Sepetu mu rukiko atuje ategereje ko ikibazo cye kigerwaho


Wema Sepetu akurikiranweho gukoresha ibiyobyabwenge kuva umwaka ushize wa 2017 ubwo yafatanwaga umutekero w’urumogi mu rugo iwe ubwo habaga umukwabu wo gusaka ibyamamare byavugwaga ko bikoresha ibiyobwagenge, na n’ubu ikibazo cye ntikirarangizwa dore ko atahwemye guhakana ko nta sano afitanye nabyo mu gihe urukiko rwo rukomeje kubimushinja.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo