Umutoza wa Rayon Sports Ivan Minnaert ufungiye muri Afurika y’Epfo agiye kujyanwa mu nkiko azira ubwambuzi

Umutoza Ivan Minnaert utoza Rayon Sports ufungiye muri Afurika y’Epfo akekwaho ubwambuzi yakoze mu ikipe yahoze atoza muri iki gihugu biravugwa ko muri iki cyumweru ashobora no kujyanwa mu nkiko nkuko amakuru aturuka muri iki gihugu afungiyemo abivuga.

Learn how to Thrive

Amakuru dukesha bamwe mu banyamakuru bo muri Afurika y’Epfo, ni uko Ivan yatawe muri yombi na Polisi yo mu gace ka Polokwane muri Johannesburg akurikiranyweho ubwambuzi mu ikipe yahoze atoza ya Black Leopards.

Mu kiganiro IGIHE yagiranye na Perezida wa Rayon Sports, Muvunyi Paul, yavuze ko bataramenya ibyo gufatwa kwa Ivan ariko ku wa Mbere yasabye uruhushya rwo kujya muri Afurika y’Epfo ababwira ko ahafite urubanza azaburana akagaruka bitarenze kuri uyu wa Gatatu.

Yagize ati “Yagiye muri Afurika y’Epfo, yasabye uruhushya kuko afiteyo urubanza. Tumutegereje uyu munsi kuko nibwo agomba kugaruka, ibyo gufungwa kwe ntabyo ndamenya.”

Amakuru ava muri Afurika y’Epfo ni uko Ivan ariwe wari wareze ikipe ya Black Leopards ko yamwirukanye bitubahirije amategeko ariko ubwo yitabaga akaba ari we wahise atabwa muri yombi kubera ikirego cy’iyi kipe na yo imushinja ubwambuzi.

PNG - 512 kb
Amakuru ava muri Afurika y’Epfo aremeza ko Ivan Minnaert afunze


Uyu mutoza yari yareze Black Leopards mu kanama nkemurampaka ka Shampiyona ya Afurika y’Epfo (Premier Soccer League Dispute Resolution Chamber, PSL DRC) ariko ubwo yageragayo yasanze ikipe yo yaratanze ikirego muri Polisi ari na yo mpamvu yahise atabwa muri yombi.

PNG - 517.3 kb
Biteganyijwe ko Ivan Minnaert azagezwa imbere y’urukiko muri iki cyumweru.


Uyu mutoza umaze amezi abiri ahawe Rayon Sports yayifashije gufata umwanya wa mbere ku rutonde rw’agateganyo rwa Shampiyona ndetse no mu mikino Nyafurika ya CAF Confederation Cup ayifasha gutsinda Costa do Sol ibiteg 3-0 mu mukino wa mbere w’ijonjora rya nyuma, uwo kwishyura ukaba uteganyijwe mu cyumweru gitaha.

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo