Umutoza Masudi arasumbirijwe ataramara kabiri mu ikipe ya Simba SC

Nyuma yo gusezererwa na URA mu gikombe cya Mapinduzi Cup kiri kubera muri Zanzibar, Masudi Djuma wagizwe umutoza mukuru w’ikipe ya Simba SC kuri ubu arasumbirijwe bikomeye dore ko abafana b’iyi kipe bahise bamusabira kwirukanwa atamaze kabiri atoza iyi kipe.

Learn how to Thrive

Kuri uyu wa mbere nibwo ikipe ya Simba SC iri gutozwa na Masudi yahise isezererwa nyuma yo gutsindwa n’ikipe ya URA 1-0 yo mu gihugu cya Uganda kandi yanaherukaga gutsindwa igitego 1-0 na AZAM FC muri iki gikombe cya Mapinduzi Cup ibintu byatumye abafana bahagurukana n’uburakari basaba ubuyobozi umutoza mushya.

Masudi Djuma yagizwe umutoza mukuru w’agateganyo mu kwezi gushize, nyuma y’aho Simba SC yirukanye umunya Cameroon Joseph Omog utarishimiwe n’abafana.

Ikipe ya Simba SC yaguze abakinnyi bakomeye muri uyu mwaka w’imikino wa 2017-18, aho yatanze miliyari hafi 2 z’amashilingi ya Tanzania none umusaruro ukomeje kuba ingume.

Abafana ba Simba SC bakomeje kotsa igitutu abayobozi babo babamenyesha ko bakeneye umutoza ushoboye ubafasha kuva mu bibazo barimo.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo