Umutoza Julen Lopetegui ahawe akazi katoroshye ko gusimbura Zidane muri Real Madrid

Nyuma yuko uwari umutoza wayo Zinedine Zidane asezeye mu buryo bwatunguye isi amaze kuyihesha ibikombe bitatu bya Champions League bikurikiranye, ikipe ya Real Madrid yemeje Umunya-Espagne Julen Lopetegui nk’umutoza wayo mushya mu gihe cy’imyaka itatu iri imbere, akazi katoroshye uyu mutoza ahawe hashingiwe ko uwo asimbuye afite ibigwi n’ibirindiro bikomeye i Madrid.

Learn how to Thrive

Lopetegui usanzwe atoza ikipe y’igihugu ya Espagne “La Furia Roja” azatangira inshingano ze zo gutoza nyuma y’imikino y’Igikombe cy’Isi kizabera mu Burusiya.

Uyu mutoza yatangajwe muri Real Madrid nyuma y’amakuru yacicikanye aha amahirwe Arsene Wenger watozaga Arsenal, Mauricio Pochettino utoza Tottenham na André Villas-Boas wa FC Porto nk’abashobora gusimbura Umufaransa Zidane wasize yanditse amateka muri iyi kipe.

PNG - 796.7 kb
Lopetegui w’imyaka 51 ahawe akazi gakomeye ko gusimbura Zinedine Zidane wahesheje Real Madrid ibikombe bitatu bikurikiranye bya UEFA Champions League


Zinedine Zidane wahoze atoza Real Madrid yeguye muri Gicurasi avuga ko “Ikipe ikeneye irindi jwi.”

Lopetegui yatangajwe muri Real Madrid mu gihe yaherukaga gusinya amasezerano y’imyaka ibiri n’Ishyirahamwe ry’Umupira w’Amaguru muri Espagne muri Gicurasi 2018.

Mu itangazo, Real Madrid yasohoye yavuze ko “Julen Lopetegui azatangira kuyitoza nyuma y’Igikombe cy’Isi cya 2018 kizabera mu Burusiya.”

Mu rugendo rwe nk’umukinnyi, Lopetegui yakinnye umukino umwe muri Real Madrid, ndetse n’igera kuri 107 mu Ikipe ya Unión Deportiva Logroñés yo muri Espagne.

Yatangiye gutoza mu 2003, ari Umutoza Wungirije mu Ikipe y’Igihugu ya Espagne y’Abatarengeje imyaka 17, atoza Abatarengeje imyaka 19 , 20 na 21 mbere yo kwerekeza muri Porto.

Julen Lopetegui Argote w’imyaka 51 yatoje Porto mu gihe cy’imyaka ibiri, ayivamo ahabwa Ikipe y’Igihugu ya Espagne muri Nyakanga 2016.

Real Madrid yabonye umutoza mushya yasoje ku mwanya wa gatatu muri Shampiyona ya Espagne “La Liga” y’umwaka ushize, irushwa na Barcelona yegukanye igikombe amanota 17.

PNG - 865.8 kb
Umutoza mushya wa Real Madrid, Julen Lopetegui yahawe gutoza iyi kipe mu gihe cy’imyaka itatu iri imbere

@Umubavu.com


Travel for Free!


Tanga igitekerezo kuri iyi nkuru



Igitekerezo