Umuriro uraka hagati ya Zari na mukeba we Hamisa Mobetto wabyaranye na Diamond

Nyuma yuko Hamisa Mobetto wabyaranye na Diamond avuze ko yifuza akayabo k’amafaranga arenga miliyoni imwe ku kwezi yo kurera umwana we, Zari Hassan byamwanze mu nda amusubiza amagambo akomeye amubwira gushaka undi mugabo umufasha kurera uwo mwana.

Mu kiganiro kizwi nka Snapchat, Zari Hassan yagiriye inama mukeba we Hamisa Mobetto amubwira gushaka undi mugabo uzamufasha kurera umwana we avuga ko yabyaranye na Diamond. Hamisa Mobetto yavuze ko yifuza ko Diamond agomba kujya amuha asaga 1, 897,500 y’amanyarwanda ku kwezi yo kurera uyu mwana babyaranye cyane ko we yari yanamaze kubyemera ariko kuri ubu umugore we akaba atabyemera na gato.

Nubwo Diamond yari yemeye ko azajya atanga iyi ndezo kuri uyu mwana yabyaranye na Hamisa Mobetto, umwunganizi we mu mategeko we yari yateye utwatsi ubusabe bw’uyu mugore avuga ko aya mafaranga asaba ari menshi cyane.

Uku gushyamirana hagati y’aba bakeba byabereye ku mbuga nkoranyambaga aho bateranaga amagambo ku buryo bukarishye Zari abwira Hamisa Mobetto gushaka undi mugabo uzajya amufasha kurera uwo mwana bityo akamuvira ku mugabo.

PNG - 854.1 ko
Zari Hassan, umugore wa Diamond ubwo yari atwite


Mu kiganiro Snapchat, nibwo ubu bushyamirane bwagaragaye zari atuka mukeba we ku buryo bukomeye.

Zari ngo icyo yifuza kuri Hamisa Mobetto nuko ashaka undi mugabo umufasha kurera umwana we w’amezi atatu yabyaranye na Diamond.

Ibi byose byaje nyuma yuko Hamisa Mobetto areze Diamond mu rukiko ashaka indezo y’uyu mwana babyaranye.

PNG - 502.4 ko
Uyu ni Hamisa Mobetto wabyaranye na Diamond


Nkuko byanditswe na bimwe mu binyamakuru byo muri Tanzaniya, Hamisa Mobetto yifuza ko agomba kujya Abona miliyoni irenga ku kwezi yo kwifashisha mu kurera uyu mwana Diamond akavuga ko aya mafaranga ari menshi cyane.

Nyuma y’amagambo menshi yo gutukana hagati y’aba bakeba, Hamisa Mobetto nawe ntayaripfanye yasubije Zari amuca umugani agira ati “ hari umugore wibwiraga ko umugabo we yapfuye ariko kuri ubu aracyahumeka kuko agikeneye gushaka ibyo kurera abana be kandi ntiyanatinyuka kubwira umugore we wa kabiri gushaka undi mugabo wo kumurerera umwana kandi akiriho”.

Iki kibazo kiri hagati ya Hamisa Mobetto na Diamond babyaranye kiracyakomeje ngo harebwe umwanzuro uzafatwa w’indezo uyu muhanzi agomba kujya aha uyu mugore babyaranye ngo abashe kurera uyu mwana.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo