Umukino waraye uhuje Arsenal na Chelsea wasize umutoza w’ikipe yo muri Kenya apfuye

Umutoza w’ikipe ya BandarI FC ibarizwa mu cyiciri cya mbere muri Shampiyona yo mu gihugu cya Kenya, Alfred Obwaka yatabarutse nyuma yo kureba umukino waraye uhuje ikipe ya Arsenal na Chelsea zo muri Shampiyona yo mu gihugu cy’u Bwongereza, umukino warangiye izi kipe zombi zigabanye amanota.

Nkuko ikinyamakuru TUKO dukesha iyi nkuru kibivuga, Alfred Obwaka yapfuye nyuma y’igihe gitoya amaze kureba uyu mukino wabereye ku kibuga cy’ikipe ya Arsenal (Emirates Stadium).

PNG - 800.2 ko
Alfred Obwaka, witabye Imana nyuma yo kureba umukino wa Arsenal na Chelsea


Uyu mugabo yareberaga uyu mukino mu rugo iwe ari kumwe n’umugore we ndetse na bamwe mu bamwungirije mu gutoza ikipe ya Bandari FC.

Amakuru aravuga ko Obwaka yariwe mu nda cyane nyuma yo kumva asa nk’utaye ubwenge avuye gukaraba mu bwogero.

Byabaye ngombwa ko uyu mugabo ahita ajyanwa ku bitaro bimwegereye bya Mewa ariko biba iby’ubusa kuko yahise atabaruka.

Uyu mukino waraye uhuje aya makipe yo mu Bwongereza, Arsenal na Chelsea watangiye saa 21h45 urangira aya makipe agabanye amanota nyuma yo kunganya ibitego 2 kuri 2.

Umwongereza Jack Willshere na Hector Bellerin nibo baraye batsindiye ibitego ikipe ya Arsenal mu gihe Chelsea yatsindiwe na Eden Hazard na Marcos Alonso.

Ku rutonde rw’agateganyo rwa Shampiyona yo mu gihugu cy’u Bwongereza (Premier League) ruyobowe na Manchester City ifite amanota 62 itaranakora ikosa ryo gutakaza umukino n’umwe, ikipe ya Chelsea iri ku mwanya wa 3 n’amanota 46 mu gihe Arsenal ibarizwa ku myanya wa 6 n’amanota 39.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo