Umuhanzi w’indirimbo zaririmbiwe Imana wifuza guhoza amarira Zari yamaze kugura inka zo kumukwa

Hashize igihe kingana n’icyumweru kirenga umunyamideli Zarinah Hassan wamamaye nka ‘Zari The Boss Lady’ atangaje ko atandukanye burundu n’umuhanzi w’icyamamare by’umwihariko muri Afurika y’Uburasirazuba ndetse no ku isi ariwe Diamond Platnumz , kuri ubu umuririmbyi akaba n’umuhanzi w’indirimbo zaririmbiwe Imana, Ringtone ukomoka mu gihugu cya Kenya akaba yagaragaye asaba numero za telefone Zari akoresha ndetse anemeza ko yamaze kugura inka zo kumukwa mu gihe yaba abyemeye.

Uyu muhanzi wamamaye ku izina rya Ringtone, abinyujije ku rubuga rwe rwa Instagram yavuze ko yiteguye kujya mu gihugu cya Uganda gukwa Zari ndetse yamaze kugura inka 42 akaba yanasabye Diamond kutagira ikibazo na kimwe kuko Zari atari uwe bitewe n’uko atigeze amukwa kandi mu gihe cyose utakoye umukobwa cyangwa umugore aba atari uwawe kuko umugore bamuguha iyo umaze gutanga inkwano.

PNG - 636.4 kb
Kuri Instagram ye umuhanzi Ringtone yagaragaje ko yifuza Zari anashyiraho ifoto ye anasaba nomero ze


Ringtone yagize ati “Uyu munsi twaguze inka 42 zo kujyana muri Uganda iwabo wa Zari igihe nikigera. Byumvikane neza kandi ko iyo umugabo ataratanga inkwano, umukobwa aba atari uwe. Mu buhe buryo se? Mugende mubwire Diamond ntamusohorere indirimbo niba yumva afite gahunda agende atange inkwano. Twebwe twiteguye kujya muri Uganda ngo tubishyure kandi nta bwoba dufite turiyiriza tugasaba Imana kudufasha.”

PNG - 1 Mb
Ringtone yerekanye inka yaguze ngo azazikwe umuherwekazi Zari


Nyuma yuko abantu bazi uyu muhanzi mu ndirimbo zihimbaza Imana bumvise inzozi afite zo gushaka kubana na Zari, bamwe ntibabyishimiye dore ko bamwe bagiye bamutuka kuri Instagram ye bagaragaza ko batishimiye ibyo yatangaje nk’umuhanzi usanzwe aririmba Indirimbo zitanga ubutumwa.

PNG - 346 kb
Bamwe mu bakunzi b’uyu muhanzi ntibakiriye neza iby’uko ashaka kubana na Zari


Uyu muhanzi Ringtone ubwo yatangazaga kandi ko yiteguye kubana na Zari yavuze ko nta kibazo na Kimwe afite yiteguye kumufasha kurera abana batanu amaze kubyara barimo babiri yabyaranye na Diamond n’abandi batatu yabyaranye na Ivan Ssemwanga.

PNG - 372.6 kb
Umuhanzi Ringtone ngo yiteguye gufasha Zari kurera abana bagera kuri 5 afite

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo