Umuhanzi R. Kelly arashinjwa guhindurisha igitsina cy’umwana we

Nyuma yuko umwana we w’umukobwa, Jaya Kelly ahinduye izina akitwa Jay ngo agamije ko yakumvikana nk’umuhungu, umuhanzi w’icyamamare wo muri Leta Zunze Ubumwe za Amerika Robert Sylvester Kelly uzwi cyane ku izina R. Kelly akanamenyekana ku njyana ya RnB uyu muhanzi yagize byinshi asobanura ku makuru yavugwaga ko yaba yarahinduje igitsina cy’uyu mwana we.

Ubwo yaganiraga n’itangazamakuru, uyu muhanzi R. Kelly yavuze ko atari umubyeyi w’umwana nk’uwo wahinduriwe igitsina ko atari n’umubyeyi gito kuri urwo rwego rwo kuba yahindurira umwana we igitsina.

Mu mwaka wa 2014 nibwo umwana w’umukobwa wa R.Kelly witwaga Jaya Kelly yahinduye izina yiyita Jay ngo agamije ko yakumvikana nk’aho ari umuhungu.
Uyu mwana w’umukobwa wahinduye izina yiswe n’ababyeyi akiyita Jay, ubwo yasakaraga henshi ku isi byatumye abantu babyibazaho byinshi ndetse biranabatangaza cyane bibaza icyo uyu mwana agamije cyane ko yabikoze ubwo yari afite imyaka 14 gusa y’amavuko. Ibi nibyo abantu bafatiyeho bavuga ko bishoboka ko byaba byihishwe inyuma n’ihindurwa ry’igitsina cye bikozwe n’ababyeyi be bo bahakanye bivuye inyuma.

Umuhanzi R.Kelly mu magambo ye yagize ati “twumvise ko nyuma yuko umwana wacu ahinduye izina abantu benshi bashidukiye hejuru batekereza ibindi ndetse banakeka ko byaba byaratekerejwe n’ababyeyi be ariko aya makuru rwose ntabwo ari ukuri”.

Gusa nubwo uyu R.Kelly avuga ibi, amakuru yasakaye ku mbuga nkoranyambaga avuga ko uyu mwana yabazwe hagamijwe kumuhindurira igitsina cye akava ku kuba umukobwa akaba umuhungu cyane ko uyu mwana na we yari yagaragaje ko abishaka nyuma yo guhindura izina rye akiyita irindi zina ashaka ko ryo ryumvikana nk’iry’umuhungu.

Mu minsi ishize nibwo umuhanzi R.Kelly yagiranye ibiganiro n’ibitangazamakuru bitandukanye. Abajijwe niba koko amakuru avugwa ari ukuri, yasubije ko ibi ari ibihuha by’itangazamakuru riba rishaka gushyushya imyidagaduro.

Mu magambo ye R.Kelly yagize ati “hari igihe ibitangazamakuru cyane cyane ibyandika showbiz bibura amakuru ashyushye ugasanga biriyandikira ibyo bishaka bityo rero aya makuru ntabwo ariyo na gato”.

PNG - 891 ko
Umukobwa wa R.Kelly ari kumwe n’umukunzi we akaba ari na we uvugwaho guhindurirwa igitsina


R.Kelly yasabye abantu kutita ku magambo avugwa n’itangazamakuru kuko ibyo we nyir’umwana avuga ari byo by’ukuri.

PNG - 775.8 ko
Uyu ni umuhanzi R.Kelly


R.Kelly ni umubyeyi w’abana 3 avuga ko bamukunda cyane kandi nawe akabakunda kurushaho ngo akanishimira kubarera neza cyane uko abyifuza.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo