Ubwiza n’uburanga bihebuje by’umukobwa wifuza kuba umunyamideli bikomeje kuvugisha benshi (Amafoto)

U Rwanda ni kimwe mu bihugu bifite umwihariko mu bintu bitandukanye harimo imiterere y’ikirere, ubukungu n’ibyiza nyaburanga bikurura ba mugerarugendo batagira ingano, gusa iyo bigeze ku bwiza bw’Abanyarwandakazi benshi barukurira ingofero.

Benshi mu bakobwa b’ibyamamare mu Rwanda haba muri Sinema, umuziki, imideli, abanyamakuru, ba Nyampinga no mu bindi byiciro harimo abafite ubwiza n’ikimero kurusha abandi ari nako hagenda havuka abandi nabo baba bifuza kugera ikirenge mu cy’ababanje muri iyi myuga.

Umubavu.con twasuye umukobwa witwa UWASE Angel (kuri Facebook akoresha amazina, Angel Angel naho kuri Instagram, Angel Angel9985) ukomeje kuvugisha benshi kubera ubwiza n’akamero ke yihariye maze atubwira impamvu yifuza kuba umunyamideli (Designer) nawe akinjira mu ruhando rw’abandi banyarwandakazi basanzwemo mu gihe byaba bimuhiriye.

Yagize ati “ Nitwa UWASE Angel, iwacu ni Kicukiro, ndifuza kuba umunyamideli wihariye nange nkigaragaza mu ruhando rw’abasanzwemo nk’umukobwa uzanyemo imbaraga zidasanzwe cyane ko ubusanzwe ibintu bijyanye no kumenyekanisha ibikorwa (Marketing) mbisanzwemo mu buzima bwange bwa buri munsi (mu kazi)”.

Angel abajijwe umwihariko yumva yazana mu banyamideli basanzwe, yasubije ko ubwiza bwe abwizeye (Super Model) ashingiye ko akenshi usanga Abanyamideli bafite uburanga aribo bigendekera uko babishaka kubera gukurikiranwa n’abantu benshi cyane bityo bikabafasha kugera ku ntumbero zabo bafatanyije n’abakunzi babo”.

Ikindi UWASE avuga yazana gishya mu kumurika imideli nibimuhira, ni uguhanga udushya mu buryo buhoraho cyane cyane yibanda ku bigezweho kugira ngo birusheho kunogera abamugana (nko kwita kuri Made in Rwanda ariko kandi hatirengagijwe ibigaragaza umuco nyarwanda).

Ese UWASE Angel yaba yarigeze agira inzozi mu bwana bwe zo kuba umunyamideli? Yasubije agira ati “ sinigeze mbitekereza ahubwo numvaga ko ninkura nzaba umuyobozi (Apotre) w’itorero runaka ariko uko nagendaga nkura imitekerereze yagiye ibihindura birangira ndi uwo ndi ubu wifuza kwinjira mu banyamideli”.

Abantu batandukanye bakomeje kukugaragariza ko bakwishimiye by’umwihariko bagendeye ku bwiza n’ikimero byawe wabasaba iki by’umwihariko mu gihe waba utangiye kumurika imideli yawe? Uwase yasubije agira ati “icyo nasaba abakunzi n’inshuti zange ni ukunshyigikira muri uru rugendo nifuza kuzatangira banyereka urukundo”.

Uwase Angel twamubajije abanyamideli afatiraho urugero haba mu Rwanda ndetse no hanze agira ati “ Mu Rwanda Abanyamideli nemera kandi mfatiraho urugero ni Kate Bashabe na Jay Rwanda (ubusanzwe witwa Ntabanganyimana Jean de Dieu, akaba umwe mu bamurika imideri bakomeye mu Rwanda) mu gihe hanze nkunda Hamisa Mobetto wo muri Tanzaniya (wabyaranye n’umuhanzi Diamond).

PNG - 709.9 kb
UWASE Angel afatira urugero ku munyamideli Kate Bashabe

PNG - 981.1 kb
Mobetto wabyaranye na Diamond nawe UWASE Angel amufata nk’ukomeye mu byanyamideli
PNG - 1.1 Mb
Jay Rwanda nawe ni umusore ufite izina rikomeye mu kumurika imideli hano mu Rwanda bituma afatirwaho urugero


Mu buzima busanzwe Uwase Angel ni umukobwa wikorera ku giti cye akaba n’umucuruzi kandi ukiri ingaragu (Officially Single).

Mu gusoza ikiganiro twagiranye na Angel, yasabye abantu guhindura imyumvire yo kumva ko abamurika Imideli ari abanyangeso mbi cyane cyane bitirirwa uburara n’uburaya nubwo rimwe na rimwe hari abo bigaragaraho ariko atari bose bityo ahubwo bagashyigikira ibi bikorwa biteza imbere abanyarwanda muri rusange.

Kumurika imideli ni akazi nk’akandi kose haba mu Rwanda ndetse no hanze kuko bifite abantu benshi cyane bitunze mu buzima bwabo bwa buri munsi babikora mu buryo bwa kinyamwuga bitari ibigamije kugira indi myitwarire idasanzwe muri rubanda nkuko bikunze kugarukwaho.

Irebere amafoto atandukanye agaragaza ubwiza n’akamero ka UWASE Angel wifuza kuba umunyamideli:

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
joan inkindi Kuya 7-05-2018

namwe murakabije rwose uyu mukobwa nta bwiza mbona budasanzwe afite ninkabandi Bose gusa mwifurije amahirwe masa

Unstone Grace Kuya 4-05-2018

wow navuganda ngo courage rwose mukobwa mwiza

Unstone Grace Kuya 4-05-2018

wow navuganda ngo courage rwose mukobwa mwiza