UEFA CL: Olivier Giroud yiteguye gusezerera Barcelona ayitsindiye iwayo

Nyuma yuko mu mikino ubanza amakipe yombi aguye miswi 1-1, mu mukino wo kwishyura wa UEFA Champions League hagati ya Chelsea yo mu Bwongereza na FC Barcelona yo muri Espagne, Umufaransa, Olivier Giroud yahaye ubutumwa ikipe ya Barcelona ayihanangiriza ko kuri uyu wa gatatu yiteguye kuyisezerera imbere y’abafana bayo kuri Stade ya Nou Camp.

Learn how to Thrive

Umufaransa Olivier Giroud werekeje mu ikipe ya Chelsea mu minsi ishize avuye muri Arsenal, yihanangirije ikipe ya FC Barcelona ayibwira ko yiteguye kuyitsindira iwayo I Nou Camp mu mukino wo kwishyura bafitanye kuri uyu wa gatatu tariki ya 14 Werurwe 2018 nyuma yuko umukino ubanza banganyije igitego 1-1, ibitego byatsinzwe ku mpande zombie na Lionel Messi waje yishyura igitego cya Chelsea cyari cyatsinzwe na Willian.

PNG - 824.7 kb
Lionel Messi niwe wagomboye igitego bari batsinzwe na Willian mu mikino ubanza


Umukinnyi Giroud yavuze ko ubushobozi bwe bumwizeza ko azahagurutsa abafana ba Chelsea ku kibuga cy’ikipe ya Barcelona izaba ikinira imbere y’abafana bayo. Ibi abitangaje nyuma yuko akomeje kugirirwa ikizere n’umutoza Antonio Conte wanamushyize ku rutonde rw’abakinnyi azifashisha ubwo azaba akina na Barcelona.

PNG - 304.1 kb
Umutoza Antonio Conte utegereje kumenya niba zasezerera Barcelona cyangwa ikamusezerera


Mu magambo ye Olivier Giroud ubwo yaganiraga n’itangazamakuru bamaze gutsinda ikipe ya Crystal Palace ibitego 2-1, yagize ati “ nk’umukinnyi ukina ashaka ibitego hari igihe rimwe na rimwe bibura kandi wanagerageje gutera mu izamu bivuze ko n’amahirwe aba akenewe. Ni byiza kwigirira ikizere cyo hejuru nk’abakinnyi tugakorera hamwe. Nzagerageza gushakira imipira Hazard na Willian. Ndishimye kuko dutsinze kandi nubwo nta mahirwe yo gutsinda igitego nabonye ndizera ko nzatsinda mu mukino ukurikiyeho”.

PNG - 502.1 kb
Olivier Giroud witeguye gusezerera ikipe ya Barcelona imbere y’abafana bayo i Camp Nou


Uretse umukinnyi Olivier Giroud watangaje ibi, ntawakwirengagiza ko ikipe ya Chelsea ifite Eden Hazard nk’umukinnyi ngenderwaho ushobora gutsinda ikipe iyo ariyo yose ku isi na Willian wari wazonze ikipe ya Barcelona mu mukino ubanza.

Gusa burya ngo ikibuga nacyo kigira ibyacyo ni ugutegereza ifirimbi ya nyuma mu minota 90 muri uyu mukino wo muri 1/16 mu mikino y’amakipe yabaye aya mbere iwayo azwi nka UEFA Champions League dore ko uretse Chelsea na Barcelona ifite kabuhariwe Lionel Messi wamaze amakipe yose ayatsinda ibitego.

Uretse kuba ikipe ya Chelsea ikiri mu irushanwa ry’amakipe yabaye aya mbere iwayo UEFA Champions League, iracyari no muri FA Cup ariko kuri ubu ikaba ishobora kutazagaragara mu makipe 4 ya mbere yitabira imikino ya Champions League mu gihe yaba ikomeje gutsindwa mu mikino ishigaje gukina ngo shampiyona irangire.

Kuri ubu ikipe ya Chelsea ihagaze ku mwanya wa 5 n’amanota 56 ikarushwa na Liverpool iyiri imbere amanota 4 gusa.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo