Shampiyona y’u Rwanda yongeye kwimurwa

Ishyirahamwe ry’umupira w’amaguru mu Rwanda (FERWAFA) ryamaze gutangaza ko imikino yari gukinwa ku munsi wa cyenda wa shampiyona y’u Rwanda mu mwaka w’imikino wa 2017-2018 yamaze kwimurwa.

Bitewe nuko ikipe y’igihugu y’u Rwanda AMAVUBI irimo kwitegura imikino y’igikombe cya CECAFA kizabera mu gihugu cya Kenya kuva ku itariki ya 3 Ukuboza kugeza ku itariki ya 17, ndetse kandi ikipe y’abakiri bato ya Isonga igiye kwitabira imikino ihuza amakipe y’abakiri bato mu gihugu cya Cote d’Ivoire mu irushanwa ryiswe Tournoi International du District Autonome d’Abidjan (TIDA) rigiye kuba ku nshuro yaryo ya Kane, FERWAFA yahise ifata umwanzuro wo kuba iharitse shampiyona kugira ngo aya makipe yitegure neza.

Ishyirahamwe ry’umupira w’amaguru mu Rwanda ryemeje ko umunsi wa cyenda wa shampiyona yari itegerejwe kuri uyu wa Gatatu tariki ya 29 Ugushyingo yimurirwa ku itariki ya 8 Ukuboza 2017.

Dore uko imikino itegerejwe ku munsi wa Cyenda izakinwa ku ya 8 Ukuboza 2017 :

Amagaju Fc vs APR Fc (Nyagisenyi)
Marines Fc vs Bugesera Fc (Stade Umuganda)
AS Kigali vs SC Kiyovu (Stade de Kigali)
Musanze Fc vs Miroplast Fc (Stade Ubworoherane)
Etincelles Fc vs Rayon Sports Fc (Stade Umuganda)
Sunrise Fc vs Kirehe Fc (Nyagatare)
Espoir Fc vs Police Fc (Rusizi)
Mukura VS vs Gicumbi Fc (Stade Huye)

Kugeza ubu nyuma y’umunsi wa cyenda, ikipe ya AS Kigali niyo iyoboye urutonde rwa Shampiyona y’u Rwanda aho ifite amanota 16 igakurikirwa na SC Kiyovu ndetse na APR Fc zombi zifite amanota 15.



Tanga igitekerezo kuri iyi nkuru



Igitekerezo