Safi yakomoje kuri Rick Hilton uvuga ko yamutwariye umugore

Niyibikora Safi wamenyekanye mu muziki nyarwanda nka Safi Madiba by’umwihariko mu itsinda Urban Boys atakibarizwamo, yakomoje ku musaza Rick Hilton wo muri Canada wavuze ko yagiranye ibihe byiza n’umugore we mbere y’uko bashakana. Safi yemeje ko adateganya kujya gutura muri Canada asanzeyo Niyonizera Judith basezeranye.

Niyibikora Safi (Safi Madiba) yambikanye impeta na Niyonizera Judith ku itariki ya 1 Ukwakira 2017. Nyuma y’ubukwe mu itangazamakuru hacicikanye amakuru y’ Umunya-Canada Rick Hilton wigambye kugirana ibihe byiza n’umugore wa Safi ndetse ahita asohora amafoto arimo n’ay’ubwambure nk’ikimenyetso cy’uko bigeze gukundana nkuko Igihe cyabyanditse.
Nyuma yuko Safi asezeranye na Judith, Hilton yatangiye gusohora amabanga menshi ku mubano we na Niyonizera ndetse amushinja kumubeshya urukundo akamutwara umutungo, byatumye umugore yerekeza muri Canada gukemura ibibazo bafitanye. Hashize iminsi mike uyu mugabo atangaje ko noneho agiye no kuza mu Rwanda.

Mu gukomoza kuri Rick Hilton, Safi avuga ko uyu musaza naramuka aje adateganya kujya mu bushyamirane na we. Yanakomoje ku byo yakunze kuvuga ko yamutwaye umugore, avuga ko Niyonizera nta wundi mugabo yigeze basezeranye usibye we bityo akaba adasangiye umugore na Rick Hilton.

Safi yagize ati "Umugore wanjye ntabwo yigeze undi umugabo, uwo afite ni njyewe njyenyine nta wundi yigeze. Uwo rero ntabwo muzi, ubwo uje afite ibimuzanye, ashobora kuba aje gutembera kuko mu Rwanda hari ibyiza. Uwo ntabwo muzi njyewe."

PNG - 896.2 ko
Safi yambikanye impeta na Judith mu buryo bwemewe n’amategeko


Abajijwe impamvu ahakana ko umugore we yigeze undi mugabo hari n’amafoto agaragaza ko yagiranye ibihe byiza na Rick Hilton, Safi yasubije ko ’icyitwa umugabo ni uwo muba mwarasezeranye imbere y’amategeko, mukereka ibirori imiryango.’

PNG - 861.3 ko
Mbere yo kwambikana impeta na Safi, Judith yagiranye ibihe byiza na Rick Hilton


Yongeyeho ati "Nanjye amafoto narayabonye, baraziranye bisanzwe ariko ntabwo wavuga ngo ni umugabo we. Kuba agiye kuza mu Rwanda ni byiza cyane kuko murabizi ko biriya ari ibintu bihanirwa, mwe murabizi. Ntabwo mvuze ngo ngiye kumujyana mu mategeko."

"Ibyo yakoze ubundi ni icyaha gihanirwa n’amategeko murabizi mwese, gufata amafoto y’umuntu yambaye ubusa ukayashyira hanze. Ubwo rero niba aje gutembera njye ntabwo nkunda ibibazo cyane, ariko niba azanywe n’ikindi kintu ubwo biramureba Leta izamukurikirana. Niba aje ni byiza kuko bizakemuka."

Safi yabajijwe ku buryo azahuza umuziki akorera mu Rwanda no kubana Niyonizera Judith uba muri Canada. Yasubije avuga ko ajya kwinjira muri The Mane yamwakiriye ari cyo kintu cya mbere yabanje kubazwa. Ngo yabijeje ko azakomeza gutura mu Rwanda atazasanga umugore muri Canada.

Yagize ati "Narabisobanuye, njyewe ndi Umunyarwanda ntabwo najya kuba muri Canada, nshobora kujyayo nk’uko nagiye Tanzania, najyayo nkakora n’igitaramo n’ahandi hose nahajya ariko ntabwo nagenda ngo mvuge ngo njyewe Safi mba muri Canada. Oya njyewe mba mu Rwanda."

Hilton na we yari aherutse kubwira itangazamakuru ko ‘yamaze kwitabaza inzego zishinzwe abinjira n’abasohoka muri Canada’ ndetse ngo Niyibikora Safi yarakomanyirijwe bityo ntashobora gukandagiza ikirenge muri iki gihugu.

Safi yasobanuye ko afite inzozi zo kuba umuhanzi ubereye u Rwanda akageza ibihangano bye ku rwego mpuzamahaga. Ni nyuma y’ibyumweru bibiri uyu muhanzi ukunze kwiyita Madiba atangaje byeruye ko yasezeye muri Urban Boyz, itsinda yari amazemo imyaka icumi.

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
alice Kuya 25-11-2017

Ubundi se bararwanira iki koko buriya afite amafaranga abahanzi amafaranga azabakoraho madiba inama nakugira ntuhangane nuriya mugabo akurusha mumufuka