Rayon Sports iguye ahashashe nyuma y’ibihano CAF yafatiye inkingi za mwamba za Costa do Sol

Mu gihe ku gicamunsi cyo kuri uyu wa Gatanu tariki 6 Mata 2018 kuri Sitade ya Kigali ruzaba rwambikanye hagati ya Rayon Sports na Costa do Sol yo mu gihugu cya Mozambique mu mikino ya Total CAF Conderation Cup, iyi kipe irahagatiwe bikomeye nyuma yuko Rutahizamu kabuhariwe wayo Terrence Leonard kimwe na mugenzi we Hilario ukina aca ku mpande ndetse n’umutoza wungirije bahagaritswe na CAF imikino ibiri kubera imvururu bateje ubwo bakinaga na Cape Town yo muri Afrika y’epfo mu gihe Rayon Sports yo iri kubyinira ku rukoma ko ibonye andi mahirwe.

Learn how to Thrive

Uyu mutoza n’abakinnyi babiri bafatiwe ibihano mu gihe bose bari baramaze kugera hano I Kigali bari kumwe n’ikipe yabo ku mpamvu CAF yatanze z’uko bateje imvururu mu mukino batsinze banasezereramo Cape Town City Football Club yo muri Afurika y’Epfo.

PNG - 268.4 kb
CAF yamenyesheje ikipe ya Clube de Desportos da Costa do Sol ko ihagaritse Rutahizamu kabuhariwe wayo Terrence Leonard kimwe na mugenzi we Hilario ukina aca ku mpande ndetse n’umutoza wungirije


Iyi kipe yageze mu Rwanda ku gicamunsi cyo kuri uyu wa Gatatu izanye n’umutoza w’unya Argentina Leonardo Costas izakina na Rayon Sports idafite abakinnyi babiri isanzwe igenderaho harimo rutahizamu Terrence Leonard Tisdell na Hiario Tito Sampaio

Costa do Sol izaba kandi idafite umutoza wayo ushinzwe kongerera imbaraga abakinnyi kuko bose bahanwe n’impuzamashyirahamwe y’umupira w’amaguru CAF ibahagarika imikino ibiri kubera imvururu bateje mu mukino basezereyemo Cape Town City Football Club yo muri Afurika y’epfo.

Kuri uyu wa Gatanu tariki 6 Mata 2018 saa 18h kuri Stade Regional ya Kigali hateganyijwe umukino ubanza w’ijonjora rya gatatu ry’igikombe cya Afurika gihuza amakipe yatwaye ibikombe iwayo ‘Total CAF Confederation Cup 2018’ uzahuza Rayon sports yo mu Rwanda na Clube de Desportos da Costa do Sol yo muri Mozambique.

PNG - 810.6 kb
Umukino Costa Do Sol iherutse gukina waranzwe no gushyamirana n’impagaragara zidasanzwe zitumye iyi kipe ihabwa ibihano
PNG - 838.3 kb
Uyu ni Rutahizamu kabuhariwe wa Costa do Sol Terrence Leonard ubwo yishimiraga igitego mu mukino bakinnye na Cape Town City Football Club yo muri Afurika y’Epfo

Daniel MUKESHIMANA@Umubavu.com


Travel for Free!


Tanga igitekerezo kuri iyi nkuru



Igitekerezo
Obène Patient Nikuza Kuya 12-04-2018

turashimayo makuru muturungiki