Umunyamakuru yasabye Perezida Trump gusimbura Arsene Wenger ku butoza bw’ikipe ya Arsenal

Ubwo yagiranaga ikiganiro cyihariye n’umunyamakuru wo mu gihugu cy’u Bwongereza, Perezida wa Leta Zunze Ubumwe za Amerika, Donald Trump, yasabwe gusimbura Arsene Wenger ku mwanya w’ubutoza bw’ikipe ya Arsenal.

Umunyamakuru, Piers Morgan, umaze igihe kirekire asaba Arsene Wenger gusezera ku butoza bwa Arsenal, yasabye Perezida Trump kuzamusimbura avuga ko Wenger gutoza ikipe akayishyira ku rwego rwiza rubasha gutwara ibikombe byamunaniye.

PNG - 713.2 ko
Umunyamakuru Piers Morgan, utarahwemye gusaba umutoza Wenger kwegura ku butoza bwa Arsenal


Piers Morgan yashyize ku mbuga nkoranyambaga ifoto yicaranye na Trump afite umupira wanditseho mu mugongo izina Trump, umupira ufite amabara y’ikipe ya Arsenal.

PNG - 685.8 ko
Umunyamakuru Piers Morgan yasabye Trump gusimbura Wenger ku butoza


Piers Morgan yagize ati “Igihe natumiriraga Trump kuba umutoza mushya wa Arsenal, ni uko mbona ko yabasha kubaka Arsenal ifite inyuma hakomeye, akaba anafite ubuhanga bwo gukora uburyo bw’ubusatirizi, by’umwihariko akaba yanabasha gutsindira ibikombe bikomeye mu buryo ubwo ari bwo bwose”.

N’ubwo igitekerezo cy’uyu munyamakuru ngo bamwe bagifashe nk’urwenya, abafana ba Arsenal buri gihe bahora bivovotera uyu mutoza ko atubaka ikipe ikomeye, ibasha gutwara ibikombe ngo inanezeze abafana bayo.

Ikinyamakuru DM, cyanditse iyi nkuru, gitangaza ko imyaka 14 ishize ikipe ya Arsenal itabasha kuba yatwara igikombe cya Shampiyona yo mu gihugu cy’u Bwongereza izwi nka ‘Premier League’.

Muri Shampiyona (Premier League), ikipe ya Arsenal ubu iri ku mwanya wa gatandatu n’amanota 42, mu gihe Man. City iri ku mwanya wa mbere ifite amanota 65.

Arsene Wenger wavukiye mu gihugu cy’u Bufaransa mu gace ka Alsace, mu mujyi wa Strasbourg ku itariki ya 22 Ukwakira 1949 (imyaka 68), yatangiye gutoza ikipe ya Arsenal mu mwaka wa 1996. Mbere yo gutoza ikipe ya Arsenal, uyu mukambwe Wenger yatoje amakipe arimo Nancy (1984–1987), Monaco (1987–1994) na Nagoya Grampus Eight (1995–1996).

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Ntakirutimana Alphonse Kuya 27-01-2018

mureke umusaza ary’isi sha kuko ntakindi yakora !