Olivier Karekezi yahagaritswe gutoza Rayon Sports by’agateganyo

Karekezi Olivier wari Umutoza Mukuru wa Rayon Sports, yahagaritswe by’agateganyo n’ubuyobozi bw’iyi kipe ku mpamvu zifitanye isano n’iperereza riri kumukorwaho na polisi y’igihugu y’u Rwanda ishami ryayo ry’ubugenzacyaha.

Kuri uyu wa Gatatu nibwo Polisi y’Igihugu yatangaje ko Olivier Karekezi ari gukorwaho iperereza ku byaha akekwaho byakozwe hifashishijwe ikoranabuhanga.

Yahamagajwe n’Ishami rya Polisi rishinzwe Ubugenzacyaha, arabazwa ndetse n’ubu niryo rikimufite. Nta byinshi biratangazwa ku byaha akurikiranyweho.

Umuyobozi w’ikipe ya Rayon Sports , Paul Muvunyi yavuze ko iby’ifungwa rya Karekezi ari ikindi gishyira igihirahiro mu ikipe nyuma y’urupfu rwa Ndikumana Katauti witabye Imana mu rukerera rwo ku wa Gatatu agashyingurwa ku mugoroba waho.

Muvunyi yakomeje agira ati “ Ikipe iri mu gihirahiro, twabuze umutoza wungirije, umukuru nawe ari mu maboko ya Polisi. Nta buryo twari kuguma mu gihirahiro kuko ntituramenya igihe biri bufate ako gateganyo twavugaga rero bibaye kare yakomeza imirimo ye ariko bitinze nawe urabyuma ikipe ntabwo yaguma mu gihirahiro.

Srce:Igihe

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo