Nyuma yo kwegukana igihembo cy’umukinnyi mwiza w’uyu mwaka, Cristiano Ronaldo yishongoye kuri Messi karahava

Cristiano Ronaldo w’imyaka 32 y’amavuko ukomoka mu gihugu cya Portugal yongeye gutorerwa kuba umukinnyi mwiza w’uyu mwaka wa 2017 igihembo yegukanye ku nshuro ye ya gatanu ahigitse Neymar na Messi bahora bahanganye agira n’icyo atangaza muri rusange ndetse no kuri mugenzi we Messi ibyo bamwe bise kumwishongoraho.

Cristiano Ronaldo ukinira ikipe ya Real Madrid n’ikipe y’igihugu ya Portugal niwe watowe nk’umukinnyi mwiza w’umwaka nyuma yo guhundagazwaho amajwi menshi n’abatoza, abakapiteni n’abanyamakuru batandukanye batoranyijwe.
Nyuma yo kwegukana iki gihembo Ronaldo yatangaje ko ashimira umuryango we inshuti ze ndetse n’abakinnyi bakinana.

PNG - 513.8 ko
Ronaldo yegukanye iki gihembo ahigitse Messi wabaye uwa kabiri na Neymar wabaye uwa gatatu

Nyuma yo kwegukana iki gihembo Cristiano yagize ati " Ni ibyishimo bikomeye kongera gutwara kino gihembo, ndashaka kugitura umuryango wanjye, inshuti zanjye, abakinnyi dukinana n’umutoza wa Real Madrid n’ikipe y’igihugu ya Portugal n’abandi mwese munshyigikira ".

Abajijwe ku kijyanye n’ihangana rye rikunze kuba hagati ye na Messi yatangaje ko adahanganye na Messi ahubwo ko uko ibintu bimeze ariko bigomba kuba kuko bombi ari abakinnyi b’abahanga. Gusa nyuma y’aya magambo bamwe cyane cyane mu bakunzi ba Lionel Messi ntibabyishimiye kuko ngo bo bumva ari nko kumwishongoraho ngo cyane ko avuga ko badahanganye kandi n’ubu yegukanye iki gihembo ari we bahanganye.

PNG - 655.3 ko
Cristiano Ronaldo ahora ahanganye na Lionel Messi mu bihembo bitandukanye ariko nyamara mu kiganiro yavuze ko adahanganye na Messi ibyo bamwe bahereyeho babyita kwishongora

Yagize ati " Njye simpanganye na Messi, ni umukinnyi nawe uri ku rwego rwo hejuru, iki gihembo yagitwaye inshuro eshanu nanjye niko bigenze, ni igihembo gitwara umukinnyi mwiza ku giti cye, ndibwira rero ko ibintu bigenda uko byakagenze ".
Abajijwe niba ihangana rye na Messi rirangiriye aha dore ko ari gusatira imyaka yo gusezera kuri ruhago yavuze ko ahubwo bigiye byatangira kuko agifite akabaraga.

Mu magambo ye ati " Oya rwose ntibirangiriye aha ahubwo navuga ko bigiye byatangira". Nyamara nubwo yatangaje ibi, abakurikiranira hafi ibya ruhago baremeza ko mu minsi iri imbere atazaba agihigika Messi bahanganye bagendeye ku myaka ari kwerekezamo mu gihe Messi ageze mu gihe cyo kuwuconga kakahava ugereranyije na we.

Twabibutsa ko kugeza ubu ikipe ya Real Madrid irushwa amanota atanu na Fc Barcelona bakaba bazakina El Clasico yabo ya mbere ku italiki ya 23 Ukuboza 2017.

Nyuma y’ibi bihembo kandi tubibutse ko ikipe y’umwaka yatoranyijwe na FIFA n’aba bakinnyi 11 bakurikira :
Buffon,Marcelo,Ramos,Alves,Modric,Iniesta,Kroos,Neymar,Messi,Cristiano Ronaldo bidashidakanywaho ko bitwaye neza kurusha abandi bose.

PNG - 713.7 ko
Iyi ni ikipe y’umwaka wa 2017 yatoranyijwe na FIFA igizwe n’abakinnyi 11 bahize abandi bose

Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo
Innocent kaberuka Kuya 24-10-2017

Tugushira cyane amakuru atandukanye ugenda utugezaho gusa christiano agabanye kwiyemera kuko bose nabahanga gusa Messi amurusha respect,ubutaha ni Mess gusa gusa.