Nigeria: Umukobwa yarimije amavi mu butaka asaba umusore ko bazabana amutera utwatsi

Kimwe no mu Rwanda, henshi ku isi dutuye si ikintu gisanzwe kumva ngo umukobwa yeruye yisabira umusore ko bazambikana impeta yo kubana akaramata nk’umugore n’umugabo ariko uko iminsi igenda ishira, isi nayo igenda izana ibyayo kugeza ubwo kuri ubu umukobwa adaterwa ipfunwe no kwisabira umusore ko bazabana.

Learn how to Thrive

Umukobwa wo mu gihugu cya Nigeria yarimije amavi mu butaka atakambira umusore ko yamwemerera bakazabana nk’umugore n’umugabo kubw’amahirwe makeya umusore amubera ibamba aramuhakanira.

Mu mafoto yacicikanye hirya no hino ku mbuga nkoranyambaga zitandukanye, agaragaza uyu mukobwa apfukamye hasi asaba umusore ko yazamubera umugabo we mu gihe umusore nawe akomeza amusaba guhaguruka ariko akamubera ibamba ngo ntahaguruka atamwemereye ibyo amusaba.

Nkuko ikinyamakuru NAIJA cyabyanditse, ngo kuva uyu mwaka wa 2018 utangiye, mu gihugu cya Nigeria hagiye humvikana inkuru nyinshi z’abakobwa bagiye bisabira abasore ko bazabambika impeta nubwo abenshi bitabahiriye nk’uyu.

Kuri iyi nshuro umukobwa utavuzwe amazina yagerageje kwereka umusore ko amukunda anamusaba ko yazamubera umugabo we ariko ntibyamuhira birangira umusore abiteye utwatsi.

Videwo yakwirakwijwe ku mbuga nkoranyambaga cyane cyane Twitter, yagaragazaga umukobwa yapfukamye iruhande rw’umusore amusaba atakamba ko bazabana ariko umusore nawe agakomeza kumusaba ko yahaguruka umukobwa akamubera ibamba avuga ko mu gihe atemerewe icyo asaba adahaguruka.

PNG - 693.7 kb
Aya ni amafoto y’uyu mukobwa watakambiraga umusore ngo amwemerere bazabana


Ibinyamakuru bitandukanye byanditse iyi nkuru, bivuga ko uyu mukobwa kimwe mu byatumye yikundira cyane umusore, ari uko azi gucuranga neza Gitari (Guitar) dore ko n’ubundi yari yamubonye ayicuranga bikamushyira mu yindi si.

Nubwo byarangiye uyu mukobwa adahiriwe no kwisabira umusore ko bazabana, bamwe mu bari hafi y’aho ibi byabereye batahuye ko uyu mukobwa n’ubundi yari asanzwe ari umukunzi we icyakora watunguwe n’ibyo yakoze bamwe bakibaza impamvu usanga abasore bishora mu rukundo n’abakobwa mu gihe baba bazi neza ko nta gahunda ifatika bafite.

Nubwo atari umuco mwiza ku bakobwa kwisabira abasore b’inshuti zabo ko bazabana, birakwiye klo n’abasore bakagombye kujya bijandika mu rukundo mu gihe bazi neza ko bafite gahunda nubwo abenshi b’ubu batabikozwa.

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo
Ally hatangimana Kuya 6-03-2018

nabandi bifuza gutahura abakunzi babo bajye babigenza nkuyu!!!!!!!!!