Messi yateye utwatsi ibyo kuba umukinnyi uhembwa amafaranga menshi ku isi, yongera amasezerano muri Barcelona

Ni nyuma yuko uyu munya-Argentina, Lionel Messi ukinira ikipe ya FC Barcelona yo mu gihugu cya Espagne ateye utwatsi ikipe ya Manchester City yo mu gihugu cy’u Bwongereza yifuzaga kumugira umukinnyi uhembwa amafaranga menshi ku isi. Messi yongereye amasezerano mu ikipe ya Barcelona azageza muri 2021 mu gihe Man. City itari yasibye kugaragaza ko imwifuza.

Kubera urukundo Lionel Messi akunda ikipe ye ya FC Barcelona rwatumye yanga akayabo k’ama Euro angana na miliyoni 100 zose (€100 million) yahabwaga n’ikipe ya Manchester City byatumye yongera amasezerano azageza mu mwaka wa 2021.
Ni mu gihe byasaga nk’aho amasezerano ya Messi yenda kurangira byanatumaga abenshi bavuga ko yanze gusinya amasezerano mashya kuko yashakaga kuva muri iyi kipe kuri ubu akaba agaragaje ko byose byari ibihuha byambaye ubusa.
Lionel Messi watwaye imipira ya Zahabu 5 (Five time Golden Ball winner), yasinye amasezerano amwemerera kuzajya ahembwa akayabo k’ama Euro ibihumbi 500 (£500,000 a week) ku gihe cy’icyumweru kimwe gusa.

Ikinyamakuru Marca cyanditse ko Messi asinye aya masezerano yanze ibihumbi 850 by’ama Euro ku cyumwweru (£850,000 a week) ikipe ya Manchester City yari yamaze gushyira ku meza.

Messi avuguruye aya masezerano mu gihe abamuhagarariye bo bari bagaragaje ko bashobora kuganira n’ikipe ya Manchester City mu buryo bwa rwihishwa ubuyobozi bwa Barcelona butabizi.

Amasezerano Messi yari afitanye n’ikipe ya Barcelona yari kuzarangira mu mpeshyi y’umwaka utaha wa 2018. Ibinyamakuru byanditse ko nta kindi cyatumye Messi yirengagiza amakipe yamwifuzaga uretse urukundo akunda ikipe ye yatangiye gukinira mu mwaka wa 2004 (yanabanje gukina mu ikipe y’abana ya Barcelona).

Ari kumwe n’ikipe ye ya Barcelona, Lionel Messi w’imyaka 30 y’amavuka amaze kwegukana ibikombe 29 birimo 8 bya shampiyona yo muri Espagne, La Liga, ibikombe 4 bya UEFA Champions League na 5 bya Copas del Rey.

Ntawarenza ingohe ticket uyu mukinnyi aheruka guhesha ikipe y’igihugu cye cya Agentina ku mukino wa nyuma bakinaga na Equateur yo kwerekeza mu mikino ya nyuma y’Igikombe cy’Isi kizabera mu Burusiya mu mwaka utaha wa 2018 atsinze ibitego 3 wenyine mu mukino.

PNG - 840 ko
Messi niwe uheruka guhesha ikipe ya Argentine ticket yo kwerekeza mu gikombe cy’isi

Daniel MUKESHIMANA/Umubavu.com

.



Tanga igitekerezo kuri iyi nkuru



Igitekerezo