Messi yasabiwe guhagarikwa muri ruhago ashinjwa kuba ikimanuka

Icyamamare mu mupira w’amaguru, Lionel Messi ukomoka mu gihugu cya Argentine kuri ubu ukinira ikipe ya FC Barcelona yo mu gihugu cya Espagne, yasabiwe kuba ahagaritswe mu mupira w’amaguru kubera imikinire ye idasanzwe akabanza gukorwaho ubushakashatsi kugira ngo hamenyekane niba koko aturuka ku isi cyangwa niba ari ikimanuka.

Learn how to Thrive

Mu mateka y’umupira w’amaguru hagiye habaho abakinnyi batandukanye bagiye bandika amateka atazasibangana mu bwenge bwa benshi ariko iyo bigeze kuri Lionel Messi, hari abo usanga basya batanzitse bitewe n’imikinire ye babona bamwe banaheraho bavuga ko uyu mugabo adakomoka ku isi ari ikimanuka bitewe n’ibyo akora iyo ageze mu kibuga.

Lionel Messi ntazigera yibagirana mu mitwe y’Abanya-Iran by’umwihariko n’umutoza wa Iran, Carlos Queiroz nyuma yuko uyu mukinnyi amutsinze igitego mu minota ya nyuma mu mikino y’amatsinda y’Igikombe cy’Isi cyabereye mu gihugu cya Brazil mu mwaka wa 2014.

Ubu budasa bwa Lionel Messi bwatumye umutoza w’ikipe y’igihugu ya Iran, Carlos Queiroz asaba Ishyirahamwe ry’Umupira w’Amaguru ku Isi (FIFA) guhagarika uyu mukinnyi gukina umupira w’amaguru kugeza igihe hakorewe ubushakashatsi hakamenyekana niba koko ari umuntu cyangwa ikimanuka.

Nkuko ikinyamakuru Goal cyanditse iyi nkuru kibivuga, ngo uyu mutoza wigeze gutoza ikipe ya Real Madrid, avuga ko batasobanukirwa ukuntu Messi yababaje imitima y’Abanya-Iran mu mikino y’amatsinda y’Igikombe cy’Isi cyabereye muri Brazil mu mwaka wa 2014 kandi akabababaza mu minota mibi (ya nyuma).

PNG - 823.3 kb
Carlos Queiroz arifuza ko Messi yahagarikwa muri ruhago hakabanza kumenyekana niba koko ari umuntu cyangwa ikimanuka


Mu magambo ye Carlos Queiroz yagize ati: “Mpora mbivuga ko Messi ari ikintu cy’ikimanuka cy’umukinnyi, si uwo kuri iy’isi. Iyo aba ari umuntu ntaba yaradukoreye biriya muri uriya mukino, mu buzima busanzwe sinanga gutsinda ariko kugeza ubu sindemera iriya ntsinzwi yabaye muri buriya buryo”.

PNG - 1.1 Mb
Imikinire ya Lionel Messi ikunze kugarukwaho na benshi bibaza ibyo akora niba koko ari umuntu nk’abandi


Yakomeje agira ati:” Umupira w’amaguru ni umukino ubaho kandi ukinika bigaragara ni nayo mpamvu ariwo mukino ukunzwe ku Isi, ukwiye gukina n’umuntu nya muntu, ibimanuka ntibyemerwa na FIFA niyo mpamvu akwiye (Messi) guhagarikwa kugeza agaragaje ibimenyetso ko ari umuntu.”

Uyu mukino washenguye Carlos Queiroz wari umukino wa nyuma wo mu matsinda mu gikombe cy’Isi cya 2014, Iran yakinaga na Argentina maze bikarangira ari igitego kimwe cya Argentina yatsindiwe na Lionel Messi ku munota wa 89 bituma Iran isezererwa mu irushanwa.

PNG - 960.6 kb
Lionel Messi yababaje Abanya-Iran ku munota wa nyuma bahita banasezererwa mu marushanwa
PNG - 917.4 kb
Lionel Messi niwe watabaye ikipe ya Argentine ku mukino wa nyuma wo gushaka itiki yo kwerekeza mu Burusiya mu mpeshyi ayitsindira ibitego 3 byose batsinze Ecuador

Daniel MUKESHIMANA/Umubavu.com


Travel for Free!


Tanga igitekerezo kuri iyi nkuru



Igitekerezo