Malia Obama ari mu munyenga w’urukundo n’umusore bigeze gutumagurana agatabi

Umukobwa w’imfura wa Barack Obama, wahoze ari Perezida wa Leta Zunze Ubumwe za Amerika, Malia Obama, ari mu buryohe bw’urukundo n’umusore ukomoka mu Bwongereza bigana muri Harvard University, uyu musore akaba azwiho gukunda kwitumagurira agatabi dore ko mu mwaka washize bamufotoye bari kumwe basomana ndetse banasangira agatabi.

Malia Obama azwi cyane nk’umukobwa ushabutse mu bo Barack Obama yabyaye. Imyitwarire ye yakunze kutavugwaho rumwe bitewe n’ibikorwa byakunze kumugaragaraho no mu gihe se yayoboraga Leta Zunze Ubumwe za Amerika.
Malia yaherukaga gufotorwa asomana n’umusore ndetse basangira itabi ku mukino wa "Football Américain" wahuje Kaminuza ya Yale n’iya Harvard byaje gutahurwa ko aba bombi bigamo ari nabyo byabyukije umubano udasanzwe hagati yabo.
Malia w’imyaka 19 y’amavuko n’uyu mukunzi we witwa Rory Farquharson bafotowe mu mpera z’icyumweru gishize batemberana mu mihanda yo mu gace ka Soho mu Mujyi wa New York.
The Sun yatangaje ko Rory uri mu buryohe na Malia banganya imyaka, ni umuhungu wa Charles Bowen Farquharson umuherwe uba ahitwa Woodbridge, Suffolk mu Bwongereza ndetse akaba umuyobozi w’ikigo cy’ibijyanye n’ishoramari kizwi nka Insight Investment Management Limited.
Rory yakinnye Rugby mu mashuri yisumbuye ndetse agaragara akina mu mashusho y’ibirori byatangije igikombe cy’Isi cy’uwo mukino mu 2015, yanagaragayemo Igikomangoma Harry. Ubu yiga ibijyanye n’amategeko ku kigo kimwe n’umukunzi we.
Malia Obama yavutse ku wa 4 Nyakanga 1998 ubu afite imyaka 19. Mu muryango wa Barack Obama na Michelle akurikirwa na Sacha Obama ufite imyaka 16.

PNG - 800 ko
Malia Obama n’uyu musore ufite itabi mu ntoki si ubwa mbere bavuzwe kuba mu rukundo


Uyu mukobwa w’imyaka 19 yasoje amashuri yisumbuye mu 2015 afata ikiruhuko cy’umwaka mbere yo gutangira amasomo ya kaminuza. Yajyanywe muri Harvard University mu muhindo w’umwaka ushize ari naho akiri kugeza ubu.

PNG - 690.1 ko
Umwaka ushize Malia Obama yafotowe asomagurana n’uyu musore
PNG - 806.5 ko
Malia Obama agenda afatanye n’umukunzi we


Daniel MUKESHIMANA/Umubavu.com



Tanga igitekerezo kuri iyi nkuru



Igitekerezo